Ameríska kvikmyndastjarnan Jamie Foxx, 55 ára, er í hræðilegu ástandi. Hann er sagður hafa fengið blóðtappa í heila eftir að „þrýst var á hann“ að láta bólusetja sig gegn Covid-19 gegn vilja sínum.
MSN segir frá. Jamie Foxx er þekktur fyrir leik í fjölda kvikmynda meðal annars Django Unchained, Ray, Collateral, tveimur Spiderman-myndum, Miami Vice svo aðeins örfáar séu nefndar. Hann hefur öðlast fleiri viðurkenningar sem leikari og einnig sem söngvari en hann hefur gefið út a.m.k. 5 plötur. Samkvæmt Hollywood blaðamanninum A.J. Benza, sem segist hafa fengið upplýsingarnar frá heimildarmanni nærri Foxx, þá er leikarinn núna blindur og lamaður að hluta eftir að hafa fengið blóðtappa í heila í kjölfar bólusetningar gegn Covid-19.
Vildi ekki taka sprautuna en var tilneyddur til að fá hlutverk
Samkvæmt Benza vildi Jamie Foxx ekki taka neina Covid-sprautu, en hann var að sögn tilneyddur til að gera það til að fá að leika í væntanlegri mynd á Netflix „Back in Action.“ Jamie Foxx var lagður inn á sjúkrahús 11. apríl síðastliðinn en fjölskyldan hefur verið þögul um hvað gerðist. Daily Beast segir upplýsingar um að Foxx hafi orðið fyrir fylgikvillum vegna Covid-bólusetningar vera „samsæriskenningu.“
Á myndbandinu að neðan má heyra AJ Benza ræða um málið.
