Undanfarin ár hafa reynt mikið á Ingó Veðurguð sem sakaður var af dómstóli götunnar á samfélagsmiðlum um ósiðlegt framferði en fékk aldrei réttláta málsmeðferð. Hann segir samfélagsmiðla gera fólk brenglað og að þar ríki lögleysa. Þetta var meðal þess sem fram kom í máli Ingó í síðdegisútvarpinu í dag en hann var gestur Arnþrúðar Karlsdóttur.
Hann segir þetta gott dæmi um hvernig snjókorn getur orðið að snjóflóði í meðförum dómstóls götunnar og hafði mikil fjárhagsleg og tilfinningaleg áhrif og fer Ingó ekki í grafgötur með að síðustu tvö ár hafi verið honum erfið. Hann segir að hann telji líklegt og vonar að með tímanum muni fólk sjá óréttlætið hann hafi verið beittur og þau ummæli sem hafi verið látið falla um hann hafi ekki verið rétt. Þá segir Ingó að það sé mikilvægt að halda sínu striki og halda áfram sínu lífi.
Dómstóll götunnar
Arnþrúður benti á að á þeim tíma sem ásakanirnar hafi verið settar fram hafi verið MeToo bylgja í gangi þar sem dómstóll götunnar hafi ráðist sérstaklega að þekktum einstaklingum með ásökunum, meðal annars þekkta fótboltamenn og tónlistarmenn sem sitja síðan uppi með ónýtan feril. Þannig hafi þeir hópar verið útsettir fyrir slíkum árásum.
Ingó segir að þegar maður sé sakaður um eitthvað mjög ljótt eða slæmt sem maður veit að maður hafi ekki gert þá væri maður til í að verja sig og að dæmt yrði sakleysi. Í tilfelli Ingó fékk hann þó aldrei tækifæri til þess þar sem aldrei hafi komið fram kærur á hendur honum.
„maður hefði viljað fá tækifæri til þess að verja sig en ég hef verið með þá hugsun í öllu þessu ferli að með tímanum þá viti fleiri og fleiri að sumt sem er sagt er ekki rétt því auðvitað veit enginn nema maður sjálfur hvað er satt og rétt í því sem sagt er um mann“ segir Ingó
Hann segir jafnframt að því hefði verið gott ef allt sem sagt hafi verið um hann hefði farið á borð lögreglu því þá hefði hann geta varist á þeim vettvangi.
Fólk getur brenglast á netmiðlum
Þegar ásakanir á hendur Ingó komu fram var hann á hátindi ferils síns og telur Ingó að það að hann hafi viðrað skoðanir sem sumum þyki óvinsælar gæti hafa spilað inn í að sótt hafi verið á hann með þessum hætti.
„ég hef stundum haft skoðanir á ýmsum hlutum sem hafa verið gagnrýndar af ákveðnum hópum og ég held ég hafi kannski ekki verið vinsæll fyrir hjá þeim hópum sem hefur kannski haft þau áhrif að þeir teldu að nú væri hægt að negla vel á mig og krydda það alveg svakalega allt sem ég á að hafa gert og svo er eitthvað búið til með því en þegar allt kemur til alls þá búum við ekki í netmiðlum og ég vona að fólk átti sig á að samfélagsmiðlar gera fólk brenglað og þar lætur fólk ýmislegt flakka um fólk sem það þekkir ekki sem það myndi ekki gera að viðkomandi nærstöddum“
Ingó sagði aðspurður, að hann hefði fjölmargar frásagnir af því hvernig konur hafi elt hann jafnvel landshorna á milli en hann hafi ekki litið á það sem eitthvað ofbeldi, heldur sé hægt að reikna með því þegar um vinsældir er að ræða.
