Hinn svokallaði „Qanon shaman“ varð táknmynd meintrar árásar á bandaríska þingið og var dæmdur í tæplega fjögurra ára fangelsi fyrir aðild sína að atvikinu. En núna kemur í ljós á myndbandi, einu af mörgum slíkum sem forseti Bandaríkjaþings hefur afhent Tucker Carlson hjá Fox News, að lögreglumenn fylgja manninum með hornin í rólegheitum um bygginguna og reyna jafnvel að hleypa honum inn í öldungadeildina eins og um sérstakan heiðursgest væri að ræða, sem ætti að sýna allt þinghúsið.
Fox News þáttastjórnandinn Tucker Carlson hefur fengið aðgang að yfir 40.000 klukkustundum af myndbandsefni frá atburðunum á þinginu í Washington 6. janúar 2021. Carlson hefur hafið sýningu á áður óbirtu efni sem að hans sögn hnekkir algjörlega fullyrðingum fjölmiðla og vinstrimanna um að um ofbeldisfulla uppreisn hafi verið að ræða:
„Þetta er einmitt ástæðan fyrir því að Demókrataflokkurinn og bandamenn hans í fjölmiðlum hafa ekki leyft þér að sjá myndböndin“
Demókratar hafa setið á upplýsingunum í pólitískum tilgangi
Með því að stjórna því, hvaða myndbandsupptökur af atburðinum voru gerðar aðgengilegar almenningi gátu vinstrimenn logið til um hvað gerðist í atlögu gegn pólitískum andstæðingum.
Myndböndin sýna hvernig mjög mikill fjöldi fólks fór inn í þinghúsið, meðal annars eftir að hafa verið hleypt inn í húsið af lögreglu og voru langflestir þeirra friðsamir. Þeir röltu í rólegheitum um bygginguna og skoðuðu þinghúsið en lítill hópur vann spjöll. Jacob Chansley, maðurinn með hornin, hinn svokallaði „Qanon shaman“ varð tákn um meinta ofbeldisfulla uppreisn og var dæmdur í tæplega fjögurra ára fangelsi fyrir þátttöku í árásinni. Tucker Carlsson segir enn óljóst, hvernig Chansley komst inn í þinghúsið:
„En það er hins vegar alveg ljóst, hvað gerðist þegar hann var kominn inn.“
Lögreglan í hlutverki leiðsögumanna
Myndbandsupptökurnar sýna lögreglu fylgja Chansley í rólegheitum inni í byggingunni eins og þeir væru leiðsögumenn hans í þinghúsinu. Tucker Carlson segir:
„Lögreglan reyndi aldrei að stöðva Jacob Chansley. Þess í stað hjálpuðu þeir honum og störfuðu sem leiðsögumenn hans.“
Meðal annars má sjá lögregluna fara með Chansley að nokkrum hurðum að öldungadeild þingsins og reyna að opna þær til að hleypa honum inn.
„Við töldum a.m.k. níu lögreglumenn sem voru með hinum óvopnaða Jacob Chansley. Enginn þeirra reyndi einu sinni að hægja ferðir hans.“
Þakkaði Guði fyrir aðstoð lögreglunnar
Að sögn Tucker Carlson, þá upplifði Chansley lögregluna sem sína bandamenn. Eftir að hafa verið hleypt inn í þingsalinn sést Chansley þakka lögreglumönnunum í bæn sem hann bað í salnum. Hann þakkaði Guð fyrir að veitt lögreglunni innblástur „til að hleypa okkur inn í þessa byggingu.“ Jacob Chansley situr enn í fangelsi fyrir meinta glæpi sína og hefur verið sýndur í fjölmiðlum sem hryðjuverkamaður sem ætti að lífláta. „En það sem hann var og er sakaður um og það sem myndbandið sýnir passa engan veginn saman“ segir Tucker Carlson.
Lögreglumaður „laminn til dauða“ var sprelllifandi
Tucker Carlson spyr:
„Ef hann framdi virkilega svona hræðilegan glæp, hvers vegna var hann þá ekki handtekinn af lögreglunni sem stóð við hliðina á honum?“
Myndbandsupptakan sem Tucker Carlson birti sýnir einnig fullfrískan lögreglumann, Brian Sicknick, sem meðal annars fv. sænski krataráðherrann Morgan Johansson sagði mótmælendur hafa barið til dauða. Sést hann við góða heilsu eftir 6. janúar.
