Það vantaði aðeins 9 atkvæði í franska þjóðþinginu til þess að vantraust á ríkisstjórn Emmanuel Macron og forsætisráðherrann Elisabeth Borne yrði samþykkt í kjölfar mikilla mótmæla helgarinnar vegna frönsku lífeyrissjóðanna.
278 þingmenn vildu fella ríkisstjórnina en 287 atkvæði hefði þurft til að ná meirihluta. Ríkisstjórnin stóð því vantraustið af sér en stendur löskuð eftir og enn eru engin endalok á mótmælum þjóðarinnar í augnsýn en Frakkar leggjast gegn hækkun atvinnualdurs úr 62 í 64 ára aldur. Ríkisstjórnin beitti grein 49.3 í stjórnarskránni til að koma lögunum í gegn, sem heimila forsetanum samþykki laga ef sérstakar aðstæður ríkja. Þetta er ein stærsta stjórnmálakrísan sem hinn 45 ára Frakklandsforseti hefur lent í.
Mótmæli um allt land
„Ríkisstjórnin má aðeins beita 49.3 greininni einu sinni á hverju þingtímabili varðandi frumvörp sem ekki varða fjárlög. Hins vegar eru engin takmörk á beitingu greinarinnar á fjárlög og fjárlagaáætlanir. Hitt skilyrðið er, að frumvarpið verður að lögum, nema meirihluti þingmanna á þingi styðji vantraust á ríkisstjórnina (þekkt á frönsku sem „motion de censure“).
Elisabeth Borne hefur þegar notað grein 49.3 ellefu sinnum frá því að hún varð forsætisráðherra og í hvert skipti var borin fram vantrauststillaga sem var felld. Í þetta sinn hafa hins vegar blossað upp mótmæli í slíkum mæli sem ekki hafa sést síðan gulu vestin fylltu götur borga og bæja fyrir Covid.
Yfirvöld öryggismála búast við erfiðleikum við löggæslu og París lýst sem að borgin sé í „umsátursástandi.“ Atkvæðagreiðslan um vantraust kom eftir þriggja daga hörð mótmæli, þar sem Macron dúkkur voru brenndur í mörgum borgum og lögreglan beitti táragasi, vatnsbyssu og hundum. Eftir atkvæðagreiðsluna hófust strax átök og eldar loguðu í höfuðborginni París og í mörgum stórborgum.