Arnþrúður Karlsdóttir og Pétur Gunnlaugsson fóru yfir helstu atburði líðandi stundar í þættinum Fréttir vikunnar í dag og var rætt meðal annars um ráðstefnu heimselítunnar í Davos sem lauk í dag og hefur verið mikið í fréttum í heiminum. Þar hafa helstu stórmenni heims safnast saman, þjóðarleiðtogar, stjórnmálamenn ásamt fulltrúum viðskiptalífs og lagt á ráðin um áframhald ferli í átt að einni alheimsstjórn. Elon Musk hefur bent á þá einföldu staðreynd, að enginn hafi kosið stjórnendur World Economic Forum sem virðast ætla að taka stjórnina á gjörvöllum heiminum.
Nafn WEF sífellt bundnara illri vegferð alheims
Enginn skráður þátttakandi er frá Íslandi í þetta sinn. Borist hafa fréttir af Íslendingum í skíðaferðalagi í Sviss á meðan ráðstefnan stendur yfir og er nafn Guðlaugs Þórs Þórðarsonar orkumálaráðherra nefnt í því sambandi. Pétur sagði svartsýni gæta meðal ráðstefnugesta, sem ekki væru að auka hrifningu jarðarbúa a.m.k. ekki á Vesturlöndum með himinhárri verðbólgu, stríðinu í Úkraínu, stöðu umhverfis- og loftslagsmála. Til dæmis var ekki annað að sjá en að Al Gore hafi misst stjórn á sér, þegar hann lýsti með furðulegum stóryrðum, hvert mannkynið væri komið í mengunarmálum. Innflytjendamálin hafa að einhverju leyti fallið í skuggann af loftslagsmálunum en stefna WEF er að hafa opin landamæri og því ber WEF hluta ábyrgðar á þeirri gríðarlegu óreiðu flótta- og farandfólks sem ríkir í heiminum í dag.
Arnþrúður benti á ummæli fyrrverandi forsætisráðherra Bretlands, Tony Blair, sem vill koma á einu allsherjar bólusetningareftirliti með jarðarbúum til að auðvelda lyfjarisum og yfirvöldum að fylgjast með því hverjir væru bólusettir. Blair talaði um faraldra framtíðarinnar, sem gæti bent til þess að hann hugsaði sér að taka við stjórnvöl WEF eftir að Klaus Schwab hættir, en Klaus Schwab er 84 ára gamall í dag. Þá bendir Arnþrúður á það, að besta leiðin til að knésetja ríki sé að veikja fjárhag Vesturlanda eins og raungerist í dag með óðaverðbólgu og ofurháu orkuverði svo dæmi séu tekin.
Yfirlýsing neyðarástands – fyrsta blekkingin
Arnþrúður benti á afsögn Jacinda Ardern, nýsjálenska forsætisráðherrans, sem sagði skyndilega að „tankurinn væri tómur“ og hún gæti ekki unnið lengur áfram í starfinu. Hún hættir störfum þann 7. febrúar n.k. Arnþrúður bendir á að afar sjaldgæft sé að stjórnmálamenn í fullu fjöri tilkynni uppsögn sína með sama hætti og Jacinda Ardern, sem bendi til að mikið hafi gengið á áður en hún gaf út þessa tilkynningu. Útvarp Saga hefur áður sagt frá því, að Hæstiréttur Nýja-Sjálands úrskurðaði bólusetningaraðgerðir ríkisstjórnar Jacindu Arden forsætisráðherra og uppsagnir í kjölfarið fyrir þá lögreglu- og hermenn sem neituðu að láta bólusetja sig – sem „gróft mannréttindabrot“. Forsætisráðherrann var einn helsti sporgöngumaður lyfjarisanna og skóluð í sama glóbalistaklúbbi og forsætisráðherra Íslands sem ungir alþjóða leiðtogar.
Þau Pétur og Arnþrúður ræddu m.a. um skýrslu Pfizers upp á tugi þúsunda síðna, sem lyfjarisinn vildi halda leyndri í 75 ár. Töldu þau að bann við lyfjum, sem hafa reynst vel í 40 ár eins og t.d. Ivermektín til að hægt væri að lýsa yfir neyðarástandi og greiða götu genameðferðalyfja, hafi verið fyrsta blekkingin af mörgum varðandi Covid. Arnþrúður spurði hvað orðið hefði um allt þetta fólk, sem í upphafi stóð og fékk umheiminn með í bólusetningarlestina með fögrum yfirlýsingum? Meira að segja Kári Stefánsson, sem um tíma virtist vera orðinn starfsmaður RÚV vill lítið sem ekkert tjá sig um þetta lengur og aðrir hafa horfið af sviðinu.
Enginn talar um frið eða friðarumleitanir
Þá bar þeim Pétri og Arnþrúði saman um það að dökkt útlit væri varðandi Úkraínustríðið, því nær ENGINN talaði um frið eða friðarumleitanir í dag en flest ríki upptekin af því að senda inn meira af vopnum til Úkraínu. Haukur Hauksson blaðamaður var á fundi með Lavrov utanríkisráðherra, þegar Lavrov taldi það vera gæfu Íslands að vera ekki aðildarríki að ESB. Pétur bendi á að sumir gera ekki greinarmun á gagnrýni á Rússland, þegar ýmsir sem gagnrýna Rússland fyrir innrásina í Úkraínu, benda á að ekki sé einhliða hægt að kenna Rússum um allt. Stríðið eigi sér aðdraganda frá árinu 2013, 2014 og 2015. Arnþrúður spurði þá: „Hverjir tala um friðinn?“
Ýmislegt fleira bar á góma og hlusta má á þáttinn með því að smella á spilarann hér að neðan:
