McGregor: „Stríðsóðir, ný-marxískir glóbalistar hafa hertekið Vesturlönd“

Douglas McGregor, ofursti og hernaðarfræðingur í bandaríska hernum, sem einnig er með doktorsgráðu í alþjóðasamskiptum segir litla klíku glóbalista að baki Úkraínustríðinu, sem gjörsamlega hafa vanmetið Rússland.

Bilið á milli valdastéttarinnar og venjulegs fólks á Vesturlöndum hefur aldrei verið eins mikið og nú, segir Douglas McGregor ofursti í hernum í viðtali við The Mother of All Talkshows með George Galloway (sjá myndband neðar á síðunni). Bakgrunnur brjálæðisins sem er í gangi í heiminum og stríðsins í Úkraínu, byggir á heimskulegri greiningu Vesturveldanna á Rússlandi, að sögn McGregors. Stríðið er verk „valdaelítu glóbalista“ á Vesturlöndum.

Það gengur ekki mjög vel hjá Úkraínu í stríðinu gegn Rússlandi. Nú virðist jafnvel hin hernaðarlega mikilvæga borg Bachmut vera að falla í hendur Rússa. Á sama tíma hafa vestrænir fjölmiðlar stöðugt lýst átökunum eins og það sé aðeins tímaspursmál, að Úkraína vinni fullnaðarsigur.

Af hverju þessi munur?

Douglas McGregor, ofursti og hernaðarfræðingur í bandaríska hernum, sem einnig er með doktorsgráðu í alþjóðasamskiptum, hefur skýringu. Að hluta til er það vegna þess, að Vesturlönd hafa gert afar heimskulega greiningu á Rússlandi. McGregor segir:

„Þeir hafa ekki skilið að Rússland er ekki Serbía, Rússland er ekki Írak. Þetta fólk er undir áhrifum af 30 ára auðveldum sigrum á tiltölulega litlum löndum, sem gátu í raun ekki varið sig. Það er ekki Rússland. Þeir hafa gnægð af auðlindum. Það er ekki hægt að einangra Rússland. Efnahagur Rússlands er nógu stór og mikilvægur fyrir Kína, Indland og umheiminn, þannig að það er ómögulegt að einangra Rússland og hindra frá viðskiptum og útrás. Rússneska hagkerfið gengur mun betur en nokkurt annað hagkerfi í Evrópu. Þjóðarskuldir þeirra eru litlar í samanburði við okkar, sem er að mola okkur. Það var aldrei nein alvarleg hugsun að baki þessu ferli.“

Hafa allan tímann vanmetið Rússland

„Þeir vildu leggja Rússa í einelti, sem þeir hafa reynt að gera í 20-30 ár. Washington trúði því, að með ólöglegu and-rússnesku stjórninni sem komst til valda í Kænugarði eftir valdaránið 2014, myndi Úkraína geta byggt upp árásarher til að eyðileggja Rússland. Þeir dældu inn peningum, herþjálfun og herbúnaði en vanmátu Rússa allan tíman. Þeir héldu að þetta væri enn eitt vanþróað land, sem hægt væri að mylja niður með ofbeldi. En það virkaði ekki og mun ekki virka.“

Að hluta til er það vegna þess að glóbalistar, ólígarkar og nýkommúnistar hafa náð tökum á hinum vestræna heimi, útskýrir Douglas McGregor í viðtalinu við George Galloway.

Stríðið rekið áfram af glóbalísku elítunni

„Maður verður að skilja að þetta stríð var úthugsað, hafið og framkvæmt af tiltölulega litlum hópi svokallaðrar glóblískrar valdaelítu í London, Washington, New York og í minna mæli í París og Berlín. Þeir fá innblástur af George Soros, ekki af kristni. Þeir fá innblástur af Karl Marx frekar en af ​​Benjamin Franklin, Thomas Jefferson, Thomas Hobbs o.s.frv. Þetta er það sem við stöndum frammi fyrir. Bilið á milli valdhafa og almennings hefur aldrei verið eins mikið og það er í dag í Bandaríkjunum. Það er afskaplega hættulegt. Vegna þess að við vitum, að þegar það gerist þá er hættan á miklu umróti í efnahagssamdrætti gríðarlega mikil.“

Yfir 200 þúsund úkraínskir hermenn hafa fallið

Að sögn McGregors hafa um 200.000 úkraínskir ​​hermenn fallið í stríðinu og vel yfir 300.000 særst. Það þýðir að Úkraínumenn hafa tapað hálfri milljón manna. Douglas McGregor bendir einnig á, að 50.000-60.000 úkraínsk börn hafa horfið og óttast að mörg þeirra hafi lent í höndum kynlífssala og barnaníðinga. George Galloway bendir á, að hann hafi gert skoðanakönnun á Twitter og spurt notendur, hvorn þeir vildu frekar hafa, Vladimir Pútín eða Joe Biden. Um 9 af hverjum 10 svöruðu Pútín. Það kemur McGregor á óvart:

„Miðað við allar tilraunir sem gerðar voru til að djöflast í Pútín…Hann er núna í sama flokki og Stalín, Hitler, Saddam Hussein og svo framvegis. Það kemur mér því á óvart að svo margir séu vakandi.“

Hlýða má á Douglas McGregor á myndbandinu hér að neðan

Deila þessari frétt á samfélagsmiðla

Deila