Covid ástandið er efnavopnaárás og er hluti af stóru leikriti rétt eins og innsetningarathöfn Biden og það er mikilvægt að fólk leiti sér sjálft upplýsinga í stað þess að láta meginstraumsfjölmiðla mata sig á þeim. Þetta var meðal þess sem fram kom í máli Sigurlaugar Ragnarsdóttur listfræðings og menningarmiðlara í síðdegisútvarpinu í dag en hún var gestur Arnþrúðar Karlsdóttur.
Hún segir að þegar grannt er skoðað komi í ljós að Covid faraldurinn sem nú fer eins og eldur í sinu um heimsbyggðina sé hluti af mun stærri atburðarrás sem sé í raun eitt stórt leikrit. Hún segir að meðal þeirra upplýsinga sem hún hafi kynnt sér séu að Obama fyrrverandi forseti hafi árið 2015 farið til Wuhan í Kína og styrkt þar Wuhan rannsóknarsetrið í veirufræðum um 37 milljónir dollara, það sem veki sérstaka athygli sé sú staðreynd að Joe Biden núverandi forseti Bandaríkjanna hafi verið með í för.
Sigurlaug segir að tilgangurinn sé í raun að taka Bandaríkin niður með aðstoð þekktra glólbalista eins og George Soros, Evrópusambandsins og fleiri aðila. Aðgerðin sem nefnist Sting operation skiptist niður í nokkra hluta, taka Bandaríkin niður, koma Bandarískum fyrirtækjum í þrot í þeim tilgangi að kínverjar geti keypt þau á brunaútsölu, síðar verði efnahag Bandaríkjanna komið af stað á ný með láni frá kína og svo taka þeir tíu prósent af hagnaðinum.
Sigurlaug bendir á að þetta sé dæmi um það sem finna megi upplýsingar um ef fólk leiti sjálft upplýsinganna og hvetur fólk til þess að skoða myndbandaveitur Facebook þar sem notendur setja inn myndefni með upplýsingum. Hér að neðan má sjá skýringarmynd þar sem sýnt er hvar myndefnið er að finna á Facebook. Hlusta má á viðtalið í spilaranum neðan við myndina.
