Morgan Sweeney, starfsmannastjóri Keir Starmer forsætisráðherra Bretlands, hefur sagt starfi sínu lausu eftir gagnrýni á skipun Peter Mandelson sem sendiherra Bretlands í Bandaríkjunum. Málið hefur aukið þrýsting á forsætisráðherrann bæði innan eigin flokks og frá stjórnarandstöðu.
Vissu af tengslunum við Epstein
Upplýst hefur verið að Starmer og nánir samstarfsmenn hans hafi verið meðvitaðir um tengsl Mandelsons við Jeffrey Epstein þegar skipunin var ákveðin. Sú vitneskja hefur verið megininntak gagnrýninnar og þykir hafa grafið undan trúverðugleika ríkisstjórnarinnar.
Mælti með að Mendelson yrði skipaður
Sweeney segir að hann hafi sjálfur mælt með skipun Mandelsons og taki ábyrgð á þeirri ráðgjöf. Hann telur ákvörðunina hafa skaðað flokkinn og dregið úr trausti á stjórnmálum og því sé rétt að hann víki úr starfi.
Skipunin afturkölluð síðar sama ár
Mandelson var skipaður sendiherra í febrúar á síðasta ári en skipunin var afturkölluð í september sama ár þegar tengsl hans við Epstein urðu opinber. Málið hefur síðan verið þrálátt umræðuefni í breskum stjórnmálum og veiklað stöðu forsætisráðherrans.