Vilhjálmur H. Vilhjálmsson lögmaður segir að hugmyndir sem komið hafa upp um sérstakan netdómstól séu afar áhugaverðar og að gaman væri að sjá hvernig slíkur dómstóll myndi virka í baráttunni gegn netníði. Þetta var meðal þess sem fram kom í máli Vilhjálms í síðdegisútvarpinu í dag en Vilhjálmur var gestur Arnþrúðar Karlsdóttur ásamt Magnúsi Þór Hafsteinssyni frambjóðanda Flokks fólksins. Vilhjálmur segir að hefðbundin dómstólaleið gangi afar hæft fyrir sig í netníðsmálum en með því að setja upp netdómstól myndu slík mál ganga mun hraðar fyrir sig “ málsmeðferðin yrði öll miklu einfaldari og niðurstaða væri komin í málin á tiltölulega stuttum tíma og mönnum að kostnaðarlaus, það væri áhugavert að sjá þetta verða að veruleika hér„,segir Vilhjálmur.
Netdómstóll gæti gagnast vel í baráttunni gegn netníði
Magnús Þór sem sjálfur hefur þurft að þola gróft netníð að undanförnu fyrrverandi sambýliskonu sinnar segir að netníð, t,d í garð fólks sem er að bjóða sig fram í kosningum geti beinlínis verið hættlegt lýðræðinu “ þarna fara fram nornabrennur, aftökur og grýtingar og þetta er mjög alvarlegur hlutur í okkar samfélagi, við fáum ekki lengur fólk til þess að gefa kost á sér og verða það sem kallað er opinberar persónur vegna þess að það óttast einmitt eitthvað svona„,segir Magnús.