„Núna eiga sér stað sögulegar breytingar í heiminum sem ekki hafa sést í hundrað ár“ sagði Xi Jinping, forseti Kína við Vladimír Pútín Rússlandsforseta áður en hann fór frá Moskvu á þriðjudagskvöld.
Fundi Xi Jinping með Vladimír Pútín Rússlandsforseta í Moskvu, þar sem þeir samþykktu báðir að styrkja tengsl ríkjanna, lauk í gær. Líta má á þetta sem sögulegan fund.
Xi við Pútín: „Við erum núna að verða vitni að breytingum sem ekki hafa sést í meira en hundrað ár og erum að keyra þessar breytingar áfram. Farðu varlega, kæri vinur“
Pútín: „Ég er sammála.“
Xi: „Vinsamlegast farðu vel með þig, kæri vinur.“
Pútín: „Góða ferð.“
Ræddu friðaráætlun Kína á Úkraínudeilunni
Kína hefur lagt fram friðaráætlun sem Vesturlönd hafa hafnað. Pútín sagði:
„Mörg ákvæði friðaráætlunarinnar sem Kína hefur lagt fram eru í samræmi við afstöðu Rússa og geta verið grundvöllur friðsamlegrar lausnar, þegar þeir eru tilbúnir fyrir hana á Vesturlöndum og í Kænugarði. En hingað til höfum við ekki séð slíkan vilja af hálfu þeirra.“
Kínverski forsetinn hvatti alla aðila til að sýna hófsemi og snúa aftur að samningaborðinu til að finna diplómatíska lausn. Xi Jinping sagði:
„Við erum alltaf fyrir frið og viðræður og stöndum þétt á réttri hlið sögunnar.“
30% aukning viðskipta á milli Kína og Rússlands – yuan tekur við af dollara
Í tengslum við kínverska ríkisheimsóknina til Rússlands voru önnur orðaskipti einnig tekin, samkvæmt myndbandi sem dreift er á Twitter (sjá neðar á síðunni). „Hefurðu séð hvernig Vesturlönd bregðast við árangri samningaviðræðnanna?“ spyr blaðamaður fyrrverandi forseta Rússlands, Dmitry Medvedev. „Ég held að þeir gleðjist með okkur“ svarar Medvedev. „Þeir eru reiðir“ segir fréttamaðurinn. „Mjög gott. Það gleður mig mjög“ segir Medvedev.
Samkvæmt Swebbtv hafa viðskipti milli Kína og Rússlands aukist um 30% árið 2022. Tveir þriðju hlutar fara fram í gegnum júan og rúblur. Pútín segir að kínverski gjaldmiðillinn Yuan verði einnig notaður í viðskiptum við önnur lönd í Asíu, Afríku og Suður-Ameríku. Rætt er um á Twitter að Petródollarinn sé dauður og Petrójúan hafi fæðst. Bandarískur lögfræðingur segir (sjá tíst neðar á síðunni):
„Eingöngu frá heimspólitísku sjónarhorni hefur stríð Vesturlanda gegn Rússlandi verið algjört stórslys.“
Rússland og Kína eru að móta nýja heimsskipan
Margir halda því nú fram að Rússland og Kína hafi komið á nýrri heimsskipan. Bandarískur hermaður skrifar á Twitter:
„Ég tel að sannleikurinn felist í orðunum, sem þýðir að Kína muni standa með Rússlandi ef hlutirnir stigmagnast. Ekki vegna þess að til þess muni koma, þar sem Rússar munu vinna burtséð frá öllu öðru en þetta innsiglar nokkurn veginn rússneska sigurinn. Það er nýr heimur sem er að rísa og það á eftir að koma í ljós hvort eitthvert vestrænt ríki fái sess í honum.“
Fjármálakerfi dollarsins að hrynja
Samkvæmt bandaríska rökræðumanninum Jack Posobiec (sjá tíst neðar á síðunni), er þessi hörmulega þróun knúin áfram af algjörlega glataðri stefnu glóbalistanna. Engin furða að bankar hins vestræna heims hrynja segir hann. Enda byggir fjármálakerfið á dollar og heimsyfirráðum Bandaríkjanna sem nú er að liðast sundur. Jack Posobiec segir:
„Hinn vestræni heimur er að hrynja fyrir framan augum okkar. Rússland og Kína hefur verið þjappað saman af Bandaríkjunum, djúpríkinu og hinu alþjóðlega bandaríska heimsveldi.“
