Euronews Green segir frá nýrri könnun í Bretlandi sem sýnir, að yfir 70% barna eru óttaslegin vegna loftslagskreppu og þjást af „umhverfiskvíða.“ Sprotafyrirtæki í Bretlandi kannaði viðhorf 1.000 barna, sem fædd eru á árunum 2010 til 2015, til umhverfisins. Samkvæmt rannsókninni óttuðust yfirgnæfandi 71% svarenda umhverfisbreytingar, þar á meðal loftslagsbreytingar. 27% barnanna voru kvíðafull yfir áhrifum breytilegs hitastigs á jörðu á dýr, 19% sögðu að plastmengun væri þeirra mesta áhyggjuefni.
Í forskýrslu könnunarinnar sem birt var í júlí (sjá á ensku neðar á síðunni), kom einnig í ljós að börn upplifa „neikvæðar“ tilfinningar í auknum mæli, þar á meðal „reiði, sorg, sektarkennd og vonleysi sem einkenna umhverfiskvíða.“ Bent er á nauðsyn þess, að viðbótarmat verði gert á áhrifum loftslagsbreytinga á börn.
Menntakerfið notað til að heilaþvo börnin
Aukinn ótti barna við loftslagsbreytingar fer saman við aukna ógnvekjandi innrætingu menntakerfisins um loftslagsbreytingar í skólum, þrátt fyrir óráðin vísindi um ógnir loftslagsbreytinga af mannavöldum og vísbendingar um hið gagnstæða. Samkvæmt skýrslu frá Þjóðarmiðstöð vísindakennslu Bandaríkjanna ár 2016, þá kenna um það bil 75% náttúrufræðikennara í opinberum skólum í Bandaríkjunum loftslagsbreytingar og næstum allir opinberir skólanemendur fá líklega að minnsta kosti nokkra fræðslu um hlýnun jarðar.
Í Englandi eru loftslagsbreytingar teknar inn í grunn- og miðskólanámið, þrátt fyrir að flestir kennarar telji sig illa í stakk búna til að kenna efnið. Í frétt Euronews Green segir:
„Loftslagsbreytingar eru nú þegar teknar inn í námskrár fyrir landafræði og náttúrufræði í Englandi þar sem báðar eru skyldugreinar upp að 14 ára aldri.“
Einnig segir að
„Samkvæmt rannsókn baráttuhópsins Kennum framtíðina „Teach the Future“ ár 2021, þá finnst 71% kennara þá skorta næga þjálfun til að tala við nemendur um loftslagsbreytingar.“
Starfsmenn ESB á „hugleiðslunámskeiðum“ til að minnka streitu vegna loftslagskvíða
Evrópusambandið heldur stöðugt hugleiðslunámskeið fyrir starfsmenn sína til að veita þeim aðstoð til að takast á við umhverfiskvíða. Til að ýta undir „loftslagssorgina“ starfa Sameinuðu þjóðirnar með Google til að koma loftslagsbreytingaáróðri sínum á toppinn í niðurstöðum leitarvéla Google til að berjast gegn „röngum upplýsingum.“ Sumir kalla þetta einfaldlega heilaþvott.
Í viðtali við World Economic Forum fullvissaði Melissa Fleming, samskiptaráðherra Sameinuðu þjóðanna, að Google myndi tryggja að rétt vísindi yrðu kynnt á netinu í kjölfar WEF-Google samstarfsins. Melissa sagði:
„Við eigum vísindin og teljum að heimurinn eigi að vita af því og það gera netmiðlarnir líka sjálfir.“
Vilja koma á loftslagslokunum í sama stíl og covid-lokunum til að minnka kolefnislosun
Samtímis og börn halda áfram að vera í miklum geðheilsuerfiðleikum eftir lokun Covid um allan heim, boða WEF og önnur áhrifamikil samtök, að jákvæðar afleiðingar covid-lokana á loftslagið með því að minnka kolefnislosun sé góð aðferð til að komast hjá loftslagsslysum og því beri að innleiða loftslagslokanir til að draga úr framtíðar kolefnislosun.
Til dæmis birti WEF grein í september um hvernig „milljarðar“ manna fylgdu „takmörkunum“ vegna Covid lokana og sagt, að fólksfjöldinn myndi áfram fylgja takmörkunum undir yfirskini þess að verið væri að draga úr kolefnislosun.
Greinin, sem ber titilinn Kolefnin mín: Nálgun fyrir aðgreiningarlausar, sjálfbærar borgir „My Carbon: An approach for inclusive and sustainable cities“ var skrifuð af Mridul Kaushik, verkefnastjóra verkefnisins Snjallar Borgir, hjá húsnæðis- og borgarmálaráðuneyti Indlands. Indland undirbýr að koma á loftslagslokunum til að draga úr mengun. NPR segir í frétt:
„Hæstiréttur Indlands kallar eftir lokun í höfuðborginni, Nýju Delí. Það er vegna heilsufarsneyðarástands, en snýst ekki um COVID-19 heldur um loftmengun.“
Yfirvöld ætla að banna allar ónauðsynlegar ferðir og skipa tugum milljóna manna að vinna að heiman.
