Orkuskiptin sem stjórnvöld í löndum heimsins taka flest þátt í snúast ekki eingöngu um að skipta úr jarðefnaeldsneyti yfir í raforku heldur er á sama tíma þrýst á um að raforkunnar sé aflað með tilteknum hætti en þar efst á blaði er vindorkan. Í þættinum Heimsmálin ræddi Gústaf Skúlason fréttamaður í Stokkhólmi meðal annars um þessa stefnu landa heims hvað orkumál varðar en hann var viðmælandi Péturs Gunnlaugssonar.
Vindmyllur sem sagðar eru góður kostur sem grænn orkugjafi hefur svo ekki reynst mjög grænn því spaða þeirra er til dæmis ekki hægt að endurvinna og þá þarf einnig að plægja niður jarðstrengi um langar vegalengdir til þess að koma rafmagninu frá myllunum, að auki eru strengirnir plasthúðaðir og plastmenga því jarðveg. Fyrir utan þá þarf að flytja efni í vindmyllurnar á byggingarstað og er það gert með dísiltrukkum með tilheyrandi mengun. Því má segja að vindmyllurnar séu lítið annað en blekkingarmyllur.
Nýlega steig fram Ástralski prófessorinn og jarðfræðingurinn Ian Plimer og greindi frá því að fullyrðingar glóbalista um að koltvísýringur væri valdur að hnattrænni hlýnun séu algjörlega á skjön við raunveruleikann. Hann segir að ef lagst er yfir útreikninga á jarðfræðilegum tímabilum komi í ljós að engin tengsl séu á milli koltvísýrings í andrúmsloftinu og hitastigs jarðar.
„Við höfum í rauninni haft sex miklar ísaldir og það er engin fylgni yfir jarðfræðilegan tíma á milli koltvísýrings í andrúmsloftinu og hitastigs sagan sýnir okkur reyndar, að koltvísýringur knýr ekki hlýnun jarðar. Þannig að við höfum þá grundvallarvillu sem er losunin. Hún knýr ekki fram hlýnun jarðar.“ segir Plimer.
Hann bendir á að öll orkustefna byggi á losun en þrátt fyrir það hafi engum tekist að sýna fram á að losun manna á koltvísýringi ýti undir hlýnun jarðar. Þá vísar hann einnig til þess að 97% heildarlosun koltvísýrings sé af náttúrulegum orsökum og myndi hafa mun meiri áhrif en losun manna ef tilfellið væri að koltvísýringur myndi ýta undir hlýnun jarðar.
Landbúnaðurinn höggvinn niður
Fórnirnar sem færðar eru í þeim tilgangi að leysa vanda sem að mati vísindamanna eins og Plimers eru ekki til eru ansi miklar. Krafa hefur verið gerð meðal annars til bænda í mörgum löndum að draga saman framleiðslu sína um tugi prósenta og slátra stórum hluta bústofn síns. Nú er nýjasta útspilið að höggva enn meira í landbúnaðinn þar sem sett hefur verið áætlun um að slátra 200.000 þúsund kúm á Írlandi í þágu þeirra sem trúa á meinta loftslagsógn af völdum hinna hæglátu grasbíta.
Í Hollandi er áætlun um að loka 3000 framleiðslubýlum í sama tilgangi og svipaðar áætlanir eru uppi á borðum víða um heim.
