Október 20, 2022, samþykkti ráðgjafanefnd Bandarísku Miðstöðvarinnar fyrir sjúkdómseftirlit og forvarnir um bólusetningaraðferðir (ACIP) einróma (15-0) að bæta COVID-19 sprautum við bólusetningaráætlun fyrir börn, ungmenni og fullorðna í Bandaríkjunum.
Sama dag tilkynnti Pfizer, að fyrirtækið hækkaði verðið á COVID-bóluefnum sínum um 400% – úr 30 dollara fyrir skammtinn upp 110 – 130 dollara.
Pfizer hefur spáð væntanlegum tekjum í fyrirsjáanlegri framtíð og ætlar ekki að láta markaðskröfur stjórna kröfum fyrirtækisins. Þess í stað á að bæta upp mismuninn með verðhækkunum, sem stjórnvöld og tryggingafélög greiða.
Samtímis og einokunarrisinn nýtir markaðsyfirráð sín til fullnustu, þá ætlar dómari að skera úr um hvort hægt sé að draga Pfizer og aðra framleiðendur COVID-bóluefna til ábyrgðar fyrir svik. Í janúar 2022 höfðaði Brook Jackson, uppljóstrari Pfizer, mál gegn Pfizer fyrir að fremja svik gegn bandarísku þjóðinni. Í febrúar úrskurðaði dómari, að málið væri marktækt fyrir dómi svo framundan eru hugsanleg réttarhöld.
sem verða fyrir aukaverkunum að sækja bætur fyrir skaða af völdum bóluefnanna. Það opnar líka dyrnar fyrir ríki til að þvinga börn að taka sprautuna. Inngrip yfirvalda setja venjuleg markaðslögmál framboðs og eftirspurnar úr leik og eins og grínistinn Jimmy Dore segir í myndbandinu hér að ofan, þá lækkar verðið venjulega í frjálsu markaðshagkerfi þegar eftirspurn minnkar. Svo er þó ekki í þessu tilfelli. Búist er við að tekjur Pfizer nái 101,3 milljörðum Bandaríkjadala árið 2022 þökk sé covid bóluefnum og Paxlovid.
Dómari úrskurðar um Pfizergate
Dómstóll hefur til meðferða að ákveða, hvort hægt sé að draga Pfizer og aðra framleiðendur COVID-bóluefna til ábyrgðar fyrir svik. Becker News segir frá:
„Síðasta vonarglætan um að hægt sé að draga lyfjarisann til ábyrgðar fyrir svik hvílir nú á málsókn gegn bóluefnisframleiðandanum Pfizer. Í uppfærslu Becker News um málið, er búist við að dómari muni fljótlega kveða upp úrskurð um hvort „Pfizergate“ svikamálið fari fyrir dóm eða ekki.“
Brook Jackson, uppljóstrari Pfizer, segir við Becker News að „dómarinn er að ákveða hvort málið verður tekið til meðferðar eða því vísað frá.“ Eftir að Smitsjúkdómavararstofnunin CDC ákvað að bæta COVID-bólusetningum við heilsufarsáætlun barna, þá hefur í raun verið veitt lagaleg friðhelgi gagnvart málsóknum.
Hins vegar mun Pfizer ekki njóta lagafriðhelgi ef upp kemst um svindl. Brook Jackson kom áður upp um, að Pfizer „falsaði gögn“ og svindlaði á klínískum rannsóknum. Hún höfðaði mál gegn Pfizer í janúar fyrir að fremja svik gegn bandarísku þjóðinni. Í febrúar úrskurðaði dómarinn að málsóknin, undir forystu lögfræðingsins Robert Barnes, gæti haldið áfram í ferlinu að vera tekið til efnislegrar meðferðar. Beðið er eftir nokkrum atriðum áður en málið fer hugsanlega fyrir réttarhöld.
Bandaríkjastjórn styður kröfu Pfizer um að málinu verði vísað frá
Pfizer reynir að vísa kærunni frá dómstólnum og nýtur stuðnings Bandaríkjastjórnar. Lögfræðingurinn Katherine Watt útskýrir:
„Kjarni röksemdafærslu Pfizer í tillögu sinni um frávísun, sem Bandaríkjastjórn hefur samþykkt með yfirlýsingu 4. október, er að klínískar rannsóknir og klínísk gögn, þar með talið alvarlegar aukaverkanir frá upphafi tilraunirnar sumarið 2020, voru ekki „efnislegar“ eða „nauðsynlegar“ fyrir ákvarðanir Matvæla- og lyfjastofnunar Bandaríkjanna FDA til að veita neyðarnotkunarleyfið 11. des. 2020 og samþykki 23. ágúst 2021 fyrir afurð Pfizers.“
Verður fróðlegt að fylgjast með framvindu málsins og margir stuðningsmenn ákærunnar á hendur Pfizer telja þetta ein stærstu svik í læknissögunni. Talað er um að gagnsæi við samningagerð og ákvarðanatöku sé fótum troðið og lýðræðisréttindi sem Nurnberg réttarhöldin áttu að tryggja hafi verið brotin. Kröfur eru gerðar um að Bandaríkin segi sig umsvifalaust frá WHO og að alríkisdómarar þurfi að taka málið fyrir sem brot á stjórnarskrá Bandaríkjanna meðal annars vegna reglna um upplýst samþykki opinberra stofnana sem yfirvöld eru hætt að framfylgja.