„Verkefni sannleikans“ (Project Veritas) deildi í gær leynilegri upptöku af Jordon Trishton Walker, rannsóknarstjóra Pfizer, þar sem hann talar um hvernig lyfjarisinn er að reyna að stökkbreyta covid-19 með „stýrðri þróun“ til að græða stórfé á því. Þegar myndbandið er borið undir Trishton Walker voru viðbrögð hans að reyna að eyðileggja spjaldtölvuna með myndbandinu og hringja í lögregluna.
Í gær birti Útvarp saga frétt um afhjúpun Verkefnis Sannleikans í Bandaríkjunum, þar sem yfirmaður rannsókna Pfizer, Jordon Trishton Walker, segir frá því að lyfjarisinn sé að leita að mismunandi leiðum til að meðhöndla og stökkbreyta kórónuveirunni – til að hraða þróun framtíðarbóluefna og græða meiri peninga. Walker var blekktur á „stefnumót“ og hélt að hann væri að ræða við væntanlegan elskhuga, þegar hann kom upp um markmið fyrirtækisins.
Ræða að stökkbreyta veirunni og smita apa til að þróa bóluefni fyrir fólk
„Eitt af því sem við (hjá Pfizer) erum að kanna, er hvers vegna við stökkbreytum ekki Covid-19 (veirunni) sjálf svo við getum búið til … þróað ný fyrirbyggjandi bóluefni, ekki satt? Svo við verðum að gera það. Það er hins vegar áhætta eins og þú getur ímyndað þér… Enginn vill kannast við lyfjafyrirtæki sem stökkbreytir fjandans veiru.“
„Leiðin til að fá þetta (tilraunina) til að virka er að við setjum veiruna í apa og sjáum til þess, að þeir haldi síðan smám saman áfram að smita hver annan og að við söfnum raðsýnum úr þeim.“
Covid-19 er gullgæs fyrir Pfizer
Walker staðfestir að Covid-19 hafi verið „gullgæs“ fyrir Pfizer – og að mikil áhætta fylgi því að stökkbreyta veirunni og að sýna verði mikla varkárni „svo ekki verði skapað eitthvað sem dreifist út um allt.“ Þegar fulltrúi Verkefnis Sannleikans mætir Walker síðar á veitingastað vegna ummæla hans sem voru tekin í leyni, virðist hann verða örvæntingafullur og árásargjarn og ræðst á blaðamennina. Walker hrópaði:
„Ég er algjör lygari. Ég spilaði mig stóran fyrir mann, sem ég var á stefnumóti með, með því að ljúga. Af hverju gerið þið svona lagað gagnvart starfsmanni fyrirtækis (Pfizer), sem er að reyna að hjálpa almenningi?“
Mest skoðaða myndbandið í sögu Verkefnis Sannleikans
Ummæli hans stangast á við frásögn hans í upptökunni, þar sem hann bendir á, að aðgerðir og valdastaða Pfizer séu beinlínis skaðleg fyrir bandarísku þjóðina. Walker hringir þar næst í lögregluna og segir að hann sé „óöruggur“ í nærveru blaðamannanna með áherslu á, að blaðamennirnir séu „hvítir.“ Hann reynir líka að koma í veg fyrir, að starfsmenn Verkefnis Sannleikans yfirgefi húsnæðið samtímis sem hann verður sífellt örvæntingarfyllri. Hann hrópar og grípur í spjaldtölvu í höndum James O’Keefe, forstjóra Verkefnis Sannleikans. Wlker reyndi að hlaupa burtu með spjaldtölvuna en lendir þá í slagsmálum við blaðamennina.
Þegar lögreglan kemur á vettvang, þá hafa O’Keefe og Verkefni Sannleikans yfirgefið svæðið. Myndbandið með viðtalinu við rannsóknarstjóra Pfizers er mest skoðaða myndband sem Verkefni Sannleikans hefur birt. Gríðarlegar umræður eru í gangi á samfélagsmiðlum um réttmæti fullyrðinga rannsóknarstjórans um markmið Pfizer að stökkbreyta veirunni og telja margir að dagar Walkers séu taldir hjá Pfizer. Sjá má á myndbandinu hér að neðan, þegar O´Keefe forstjóri Verkefnis Sannleikans sýnir Walker myndbandið með leyniupptökunni af honum.
