Á bak við hina alræmdu loftslagskreppu leynist í raun ógnvekjandi dagskrá um að taka eignir og peninga fólks – að gera fólkið fátækt svo það verði háð ríkinu. Þetta fullyrðir hollenski réttarheimspekingurinn Eva Vlaardingerbroek sem er hlustendum Útvarps Sögu að góðu kunn vegna frétta og tilvísana í baráttu hennar m.a. fyrir hollenska bændur.
Loftslagsmálin eða nýkommúníska „svindlið“ sem því er í auknum mæli líkt við, gerir venjulegt fólk stöðugt fátækara, skrifar hinn frægi réttarheimspekingur Eva Vlaardingerbroek á samfélagsmiðla. Að öfgavinstrihreyfingar eins og Extinction Rebellion eru í fremstu fylkingu gerir málið ekki minna tortryggilegt. Vinstri sinnuð dagblöð birta greinar, þar sem höfundar „velta sér í gleði yfir efnahagskreppu millistéttarinnar“ sem að miklum hluta er til orðin vegna eyðileggingar loftslagssinna á orkukerfi hins vestræna heims.
ESB-elítan reynir að koma á kolefnisskattkerfi
„Loftslagsumbætur“ stjórnmálamanna á bandi hnattræningja taka peninga og eignir fólks og sóa þeim í málefni, sem fólkið hefur aldrei kosið um, að sögn Evu Vlaardingerbroek sbr tíst neðar á síðunni. Samkvæmt réttarheimspekingnum er „nettó núllstefna“ ESB mjög skaðleg og mun leiða venjulegt fólk „í fátækt og gera það háð ríkinu til langtíma.“ Hún segir:
„Það var sjálfsagt að búast við því, að þessum brjáluðu umbótum fylgdi mikill kostnaður sem myndi fyrst og fremst lenda á neytendum. Mundu að þetta er miðlæg vinnubrögð ESB: Með skattlagningu tekur þú peninga ESB borgaranna og notar þá í hluti sem enginn hefur nokkru sinni kosið eins og loftslagsbreytingar, sem sífellt rýrir efnahag almennings. Síðan, þegar fólkið er orðið fátækt, þá býður ESB því „samfélagslegan stuðning.“ Allt greitt með peningum sömu skattgreiðenda – samtímis og þeir láta svo líta út, að þeir séu að gera öllum mikinn greiða.“
