Ríkisstjórnin hefur sýnt með verkum sínum að hún vinnur mest að því að hygla hagsmunaaðilum, til dæmis í sjávarútvegi. Þetta var meðal þess sem fram kom í máli Benedikts Jóhannessonar fyrrverandi fjármálaráðherra og stofanda Viðreisnar í síðdegisútvarpinu í dag en hann var gestur Péturs Gunnlaugssonar.
Benedikt segir að hann sé nokkuð sáttur við grunnstefnu Viðreisnar og að mikilvægt sé að flokkar eis og Viðreisn komist að á þingi til þess að koma inn ferskum andblæ, til dæmis sé flokkurinn með það í stefnu sinni að koma kvótanum á markað í stað þess að hygla hagsmunaópum í sjávarútvegi líkt og núverandi ríkisstjórn geri.
Þá veltir Benedikt fyrir sér veru Vinstri grænna í núverandi ríkisstjórn og segir að erfitt sé að koma auga á hvers vegna flokkurinn sé yfirleitt í ríkisstjórn „flokkurinn virðist helst vera þarna til þess að halda í ráðherrastóla, það er ekki að sjá að tilgangurinn sé nokkur annar“.
Hann segir mikilvægasta verkefnið framundan sé að koma ríkisfjármálunum í betra horf “ það var farið að halla á ógæfuhliðina þar áður en Covid skall á okkur og nú þarf að halda áfram að koma ríkisfjármálunum í gott horf„.
Hlusta má á þáttinn í spilaranum hér að neðan
