Ron Johnson vill að Bandaríkjaþing rannsaki lyfjaframleiðendur eftir uppljóstrun um að Pfizer vilji búa til „eigin afbrigði af kórónuveirunni“ til að auka gróðann

Öldungadeildarþingmaðurinn Ron Johnson kallaði á fimmtudag eftir því, að Bandaríkjaþingi rannsaki lyfjaframleiðendur og ferli Covid-bólusetninga til að bregðast við eldfimri uppljóstrun á myndbandi Verkefnis Sannleikans, sem afhjúpar meintar áætlanir Pfizer um að „stökkbreyta“ kórónuveirunni.

Pfizer er að gera tilraunir með hættulegri viðbótarvirkni Covid-19 samkvæmt rannsóknarstjóra lyfjafyrirtækisins. Ron Johnson sagði:

„Heilbrigðisstofnanir alríkisins hafa verið teknar í gíslingu af lyfjarisunum og hafa gróflega vanrækt skyldur sínar í heimsfaraldrinum. Það er kominn tími fyrir þingið að rannsaka lyfjaframleiðendur ítarlega og allt ferlið fyrir samþykkt Covid-bóluefnanna.“

Afhjúpaði fyrirætlun Pfizer að „stökkbreyta“ kórónuveirunni

Verkefni Sannleikans birti sjóðheitt myndband á miðvikudagskvöld af Jordon Trishton Walker, yfirmanni rannsókna- og þróunardeildar Pfizer fyrir stefnumótandi starfsemi, þar sem hann viðurkenndi að lyfjarisinn væri að kanna að vinna með „stökkbreytingu“ á kórónuveirunni með „stýrðri þróun“ svo fyrirtækið geti haldið áfram að græða á Covid-bóluefnum. Án þess að vita að hann væri hljóðritaður og kvikmyndaður, þá sagði Walker:

„Eitt af því sem við erum að kanna er til dæmis, hvers vegna stökkbreytum við ekki [Covid-veirunni] sjálf svo við getum þróað og framleitt fyrirbyggjandi ný bóluefni, ekki satt? Svo, við verðum að gera það. En eins og þú getur ímyndað þér, þá fylgir því áhætta – enginn vill kannast við lyfjafyrirtæki sem stökkbreytir fjandans veiru.“

„Ekki segja neinum. Lofaðu að þú segir engum frá þessu. Þetta [tilraunin] virkar með því að setja veiruna í apa og láta þá smita hvern annan og svo tökum við raðsýni úr þeim.“

Deila þessari frétt á samfélagsmiðla

Deila