Ruslvísindamaðurinn Al Gore spýtir úr sér veruleikafirringunni í Davos – Fullyrðir að hafið „sjóði og búi til regnsprengjur“

Al Gore, fyrrverandi varaforseti Bandaríkjanna, bókstaflega hrækti úr sér vitsmunafirringunni um loftslagsbreytingar á World Economic Forum (WEF) í Sviss. Þessi dómsdagspostuli hefur áður komið með fullyrðingar um hækkun sjávar og hverfandi jökla og hafa þær fullyrðingar sett hann í ruslflokk sjálfskipaðra vísindamanna. Núna fullyrðir Al Gore að verið sé að búa til „fljót og regnsprengjur í andrúmsloftinu og að höfin sjóða.“

Al Gore sagði á ársfundi glóbalistanna í Davos:

„Við erum ekki að vinna. Kreppan versnar enn hraðar en við náum að koma með lausnir.“

Lofthjúpur jarðar „opið holræsi“ fyrir gróðurhúsalofttegundir

Al Gore segir, að fólk hafi breytt lofthjúpi jarðar í „opið horæsi“ fyrir gróðurhúsalofttegundir:

„Fólk kannast við þessa þunnu bláu línu sem geimfararnir sýna á myndum sínum úr geimnum. Það er sá hluti lofthjúpsins sem hefur súrefni, veðrahvolfið, og það er aðeins fimm til sjö kílómetra þykkt. Það er það sem við notum sem opið holræsi.“

Mengunin samsvarar hita sem kæmi ef 600.000 Hírósímasprengjur væru sprengdar daglega

Gore líkti hlýnunaráhrifum jarðar við kjarnorkuhelförina í Japan í seinni heimsstyrjöldinni, sem hann fullyrðir að hafi látið höfin sjóða og búa til regnsprengjur:

„Við dælum enn 162 milljónum tonnum (af gróðurhúsalofttegundum) í loftið á hverjum einasta degi og þetta uppsafnaða magn myndar jafn mikinn aukahita og kemur frá 600.000 Hiroshima kjarnorkusprengjurm sem myndu springa á hverjum einasta degi á jörðinni.“

„Þetta er það sem fær höfin til að sjóða og býr til þessi fljót í andrúmsloftinu og regnsprengjur og sogar rakann úr landinu og býr til þurrka og bræðir ísinn og hækkar yfirborð sjávar og veldur þessum flóðbylgjum loftslagsflóttamanna!”

Heyra má froðu fáránleikas velta upp úr ruslvísindamanninum Al Gore á myndbandinu hér að neðan:

Deila