Handtökuskipun ICC á hendur Vladimír Pútín Rússlandsforseta er enn ein fáránleg ákvörðun Vesturlanda, sem mun hafa hörmulegar afleiðingar, að sögn Dmitry Medvedev, fyrrverandi forseta Rússlands og núverandi varaformanns öryggisráðs Rússlands. Hann segir Alþjóðasakamáladómstólinn, ICC, gera afar stór mistök með því að gefa út handtökuskipun á hendur Vladimír Pútín. Ákvörðunin er fáránleg, tilgangslaus og mun fá mjög alvarlegar afleiðingar.
Samkvæmt Medvedev var ákvörðun ICC enn ein misheppnaða tilraunin til að refsa Rússum. Hann skrifar á Telegram:
„Þeir ákváðu að ákæra forseta kjarnorkuveldis, sem er ekki aðili að ICC af sömu ástæðum og Bandaríkin og sum önnur lönd. Afleiðingarnar verða skelfilegar fyrir alþjóðaréttinn. Þegar öllu er á botninn hvolft þýðir þetta kollhnís á grundvallaratriðum, lagareglunum… Núna mun enginn snúa sér til neinna alþjóðlegra stofnana lengur, allir munu semja sín á milli. Allar heimskulegar ákvarðanir SÞ og annarra stofnana munu bresta í saumunum. Þetta er hörmuleg hnignun alls kerfis alþjóðasamskipta. Traustið er farið.“
Rússar höfða eigin sakamál gegn saksóknara og dómurum ICC
Á sama tíma tekur Rússland upp eigið sakamál gegn Karim Ahmad Khan, saksóknara ICC og dómurunum Tomoko Akane, Rosario Salvatore Aitala og Sergio Gerardo Ugalde Godinez, segir í frétt Swebbtv. Að mati rússnesku nefndarinnar er ákæra ICC „augljóslega ólögleg, þar sem engin ástæða er til refsiábyrgðar.“ Nefndin telur að aðgerðir Khans feli í sér brot á rússneskum lögum, vegna þess að þær „valdi saklausum manni refsiábyrgð af ásettu ráði ásamt því að saka mann með ólögmætum hætti um að hafa framið alvarlegan eða sérstaklega alvarlegan glæp.“ Rússland sakar saksóknara ICC einnig um að hafa undirbúið árás á þjóðhöfðingja annars lands „með þeim tilgangi að torvelda alþjóðasamskipti.“
