Hlutar almennra fjölmiðla hafa nú snúið við blaðinu og byrja að tala um það, sem var að gerast meðan á heimsfaraldrinum svokallaða stóð og að þvingandi lokanir í stíl einræðisríkja voru „glæpir gegn mannkyni.“ Á þetta einkum við Bretland eftir að í ljós kom, hvað bresk stjórnvöld voru í raun að tala um á meðan á Covid stóð. Í The Telegraph má nú lesa, að „handtaka ætti fyrrverandi heilbrigðisráðherra landsins, Matt Hancock fyrir vísvitandi misferli í opinberu starfi.“
Í síðustu viku hóf The Telegraph að birta „lokunarskjölin“ eftir risastóran leka á 100.000 WhatsApp skilaboðum sem send voru á milli fyrrverandi heilbrigðisráðherra Bretlands, Matt Hancock, og annarra ráðherra mitt undir heimsfaraldrinum. Reiðin sýður á Bretum og umræðurnar í hámarki, eftir að komið hefur í ljós, að ráðherrann sagði ósatt og beitti þjóð sína vísvitandi brögðum. Birtingar skilaboðanna halda áfram í stríðum straumi.
Ráðherrarnir breyttu Bretlandi í alræðisríki á tveimur árum
Blaðið byggir ásökun sína á því sem stendur í skilaboðum sem send voru á milli stjórnmálamanna. Meðal annars hefur komið í ljós, að Hancock vildi nota covid til að „hræða líftóruna úr fólki.“ Hann velti því líka fyrir sér: „Hvenær sleppum við næsta afbrigði lausu?“ Hann var að tala um veiruafbrigði. The Telegraph segir að ráðherrarnir hafi verið „valdabrjálæðingar sem breyttu Bretlandi á tveimur erilsömum árum í alræðisríki.“
Breska dagblaðið spyr hvort nokkrar af þeim aðferðum, sem stjórnmálamennirnir notuðu og réttlættu Covid-ráðstafanirnar með, hafi verið réttar. Pistlahöfundur blaðsins veltir því fyrir sér, hvort ástæða sé til að kæra fyrrverandi ráðherra fyrir misferli í opinberu starfi. Sumar fjölskyldur fólks sem bjuggu á hjúkrunarheimilum eru einnig að undirbúa einkamálsókn gegn Hancock skv. The Telegraph. Allison Pearson hjá The Telegraph skrifar:
„Ríkissaksóknari mun síðar taka afstöðu til þess, hvort almannahagsmunir krefjist þess að farið verði lengra með málið. Lokunarskjölin verða mikilvæg sönnunargögn. Þegar líður að þriðja ára afmæli lokana, þá hefur herferðin „Réttindi fyrir íbúana“ beðið meðlimi sína um að birta mynd af ástvinum sínum á hamingjusamari tímum, ásamt þeim þremur orðum sem lýsa þeim best…. Áður voru gamlar dömur og herrar læstir inni án samskipta við nána ættingja eða vini. Þau voru skilin eftir lifandi dauð í ástandi, sem var hannað af brjáluðum covid-meisturum okkar til að „bjarga mannslífum.“ Hvað getur nokkurn tíma réttlætt slíkan glæp gegn mannkyninu?“
Ráðherrar, ríkisstjórnir og almennir fjölmiðlar sögðu ósatt
Jafnframt er bent á það á samfélagsmiðlum, að Matt Hancock hafi varla verið einn ábyrgur fyrir því sem gerðist. Það á ekki að gera hann að blóraböggli á meðan hinir ganga lausir. Einn skrifar á Twitter:
„Það var ekki bara Matt Hancock sem sagði ósatt, það gerðu allir, öll ríkisstjórnin og almennir fjölmiðlar.“
Sænska læknaákallið skrifar á Twitter (sjá fyrir neðan):
„Þetta er mjög stórt! Í fyrsta skipti krefjast rótgrónir fjölmiðlar í hinum vestræna heimi þess, að háttsettur stjórnmálamaður verði handtekinn og sóttur til saka fyrir gjörðir sínar í Covid-faraldrinum. Opinbera afstaðan er búin að vera. Bráðum sjá allir, að keisarinn er nakinn. Megi þeir skjálfa, sem bera ábyrgð í öllum löndum og eru meðábyrgir fyrir sennilega stærsta læknisfræðilega hneyksli mannkynssögunnar. Þeir sem bera ábyrgð í Svíþjóð eiga einnig að þurfa að gera skil á sínum málum.“
