Ýmsir fjölmiðlar gera veður af því að kosningateymi Trump með Rudy Giuliani og Jenna Ellis í fararbrodi gáfu út þá yfirlýsingu að fv. ríkissaksóknari Sidney Powell væri ekki hluti af kosningateymi Donald Trumps heldur sjálfstætt starfandi. Var látið líta svo út að þessi yfirlýsing þýddi höfnun Trump á Sidney Powell vegna þess að rök hennar um kosningasvindl í stórum skala væru haldlaus. Þetta er rangt. Það rétta er að Sidney Powell starfar sjálfstætt og rekur málið gegn kosningasvindlinu sem borgaralegt mál og er kostuð af sjóði almennings og því ekki á launum hjá kosningateyminu sem rekur sakamál fyrir dómstólum í Bandaríkjunum vegna svindlsins.
Í nýrri yfirlýsingu segir Powell að „Ætlun mín hefur alltaf verið að afhjúpa allt það svindl sem ég get fundið og láta bitana falla á sinn stað – hvort svo sem það er gegn Repúblikönum eða Demókrötum. Ég er að taka saman yfirgrípandi sannanir fyrir því að hugbúnaðurinn var notaður til að flytja milljónir atkvæða frá Trump forseta og öðrum frambjóðendum Repúblikana yfir til Biden og annarra frambjóðenda Demókrata. Við erum að undirbúa kæru og stefnum að því að leggja hana fram í vikunni. Þetta verður sögulegt.“
#WeThePeople
Í sérstakri yfirlýsingu í CBS sagði Powell: „Ég mun halda áfram að vera fulltrúi fyrir #WeThePeople sem lögðu atkvæði sín á Trump og aðra Repúblikana en Dominion og Smartmatic stálu í hrikalegu kosningasvindli og við leggjum fljótlega fram kæru.“ Hún bætti við #KrakenOnSteroids sem mætti þýða „Skrímslið á sterum“ en Kraken er risa kolkrabbaskrímsli sem fer létt með að taka heilu skipin í einum munnsbita. Powell hefur talið upp fjöldan allan af svindlaðgerðum eins fölsuðum algóriþma sem breytti vægi atkvæða Biden í vil með 1,25 gegn 0,75 vægi atkvæða til Trump. Einnig að sumir fylkisstjórar hafi verið viðriðnir notkun svindlkerfis Dominion með Pay to Play og að erlend ríki hafi getað verið tengt kosningakerfinu í beinni á meðan á atkvæðatalningu stóð.
Tray Trainor yfirmaður kjörstjórnar Bandaríkjanna hefur lýst því yfir að kosningasvindl hafi átt sér stað og segir að spurningarnar sem teymi Trump hafi vakið máls á „séu mjög mikilvægar gagnvart lögmæti forsetaembættisins.“