Það er afskaplega eðlilegt að stjórnvöld þurfi að þola gagnrýnar spurningar þegar yfirlýsingar þeirra um Covid, bóluefnin og bólusetningar hafa ekki staðist og þegar yfirlýsingarnar fara jafnvel gegn hvorri annari. Þetta var meðal þess sem fram kom í spjalli Arnþrúðar Karlsdóttur útvarpsstjóra og Péturs Gunnlaugssonar í símatímanum í morgun.
Hjarðónæmi lofað sem aldrei kom
Arnþrúður bendir á að gagnrýnin snúist að ákveðinni atburðarrás sem hófst í byrjun faraldursins á árinu 2020 með því að fólki hafi verið talin trú um hér ætti að mynda hjarðónæmi með því að fara í fyrstu sprautuna, að auki hafi því verið haldið fram að færi fólk í þá sprautu myndi það ekki smitast. Síðan hafi næsta sprauta komið strax á eftir og fólk mjög hvatt til þess að koma í seinni sprautuna.
„þá var sagt, farið í seinni sprautuna til að vera fullbólusett og alveg örugg. Síðan bólaði ekkert á þessu hjarðónæmi og það hefur sýnt sig að þær yfirlýsingar voru ekki réttar “ segir Arnþrúður.
Síðan hafi komið fram yfirlýsingar um að sprautan myndi ekki vera virk nema í ákveðinn tíma og því þyrfti fólk að láta sprauta sig aftur og aftur.
„þetta er allt búið að gerast og margt af þessu sem hefur ekki staðist, það kemur svo þriðja sprautan og lítið um það talað og svo núna fjórða sprautan og talað um það að fólk verði að fara í hana því annars sé það að veikjast, þetta er umræða dagsins í dag, hvar erum við stödd þegar þetta er að gerast? Ég bið fólk að staldra við, það stenst ekki að það sé allt rangt, sem bent er á, að sé ekki alveg með felldu „segir Arnþrúður.
Útvarp saga benti á að ekki væri allt með felldu
Arnþrúður benti á að Útvarp Saga hefði frá degi eitt, eftir að ljóst var að verið væri að gefa út neyðarleyfi í Bandaríkjunum fyrir bóluefnin, að ekki væri allt með felldu og það yrðu ekki bara ein eða tvær sprautur heldur myndu þær verða sjö samkvæmt áætlun.
„og það er það sem fólk vill ekki horfast í augu við, núna erum við á fjórðu sprautunni og fimmta sprautan er að koma upp í Svíþjóð í haust og sömuleiðis í Ísrael en þessu lýkur ekki fyrr en eftir eitt og hálft ár eða í lok ársins 2023 og um mitt ár 2024“ segir Arnþrúður.
Leyndarhyggja og leynisamningar
Þá rifjaði Arnþrúður upp samninginn við lyfjarisana sem Svandís Svavarsdóttir þáverandi heilbrigðisráðherra hafi farið með sem trúnaðarmál og haldið frá alþingismönnum sem væri í alla staði óeðlilegt, á sama tíma og milljarðar voru greiddir úr ríkissjóði fyrir bóluefnin.
„þar er talað um að þetta sé lyfjatilraun með líftæknilyf á lifandi fólki í fyrsta skipti í þessu formi sem svokallað bóluefni, það er bara orð sem er notað því þetta er tilraun. Það hefði verið eðlilegra að þetta hefði verið kynnt þannig og fólk hefði verið meðvitað um, að þetta væri tilraun með líftæknilyf og þeir sem vildu taka þátt gætu jafnvel fengið greitt fyrir. Það eru gríðarlegir fjárhagslegir hagsumir í húfi fyrir lyfjarisana og fleir þá sem að þessu koma og slæmt að þjóðinni sé ekki sögð öll sagan.“
Engu svarað um innihald bóluefnanna
Arnþrúður vekur athygli á að þegar neyðarleyfið hafi verið gefið út hafi lyfjarisarnir farið fram á 75 ára leynd yfir því hvert innihald bóluefnanna væri.“ eðlilega spyrja fjölmiðlar og það geta allir spurt sig af hverju þeir biðja um þessa miklu leynd, hvað er verið að fela?“ spyr Arnþrúður.
Arnþrúður spurði landlækni á blaðamannafundi um þetta atriði en landlæknir gat ekki svarað því og sagðist jafnvel ekki hafa heyrt spurninguna. Það er mikið vísað í vísindin og sérkennilegt að það sé ekki í þágu vísindanna að upplýsa um innihald bóluefnanna.
„þetta er algjörlega þaggað niður, ég spurði líka yfirlækni heilsugæslunnar á höfuðborgarsvæðinu sem stjórnar bólusetningunum um innihald bóluefnanna en hann hafði ekki hugmynd um það, þeir sem eru að nota þetta og boða fólk í bólusetningarnar hafa ekki viljað svara hvert sé innihaldið, hver er ástæðan fyrir því? það að verið sé að spyrja um þetta þýðir ekki að við séum að kasta rýrð á störf þessa fólks heldur er það bara eðlilegt að það sé spurt um þetta, það eru þjóðarhagsmunir “ segir Arnþrúður.
Hlusta má á spjallið í spilaranum hér að neðan
