„Skyndilegur dauði“ – ný heimildarmynd um Endurræsinguna miklu veldur skelfingu meðal áhorfenda – sjáið hana hér

Ný heimildarmynd sem nefnist Skyndilegur dauði „Died Suddenly“ var frumsýnd í gær og hefur þegar fengið milljónir áhorfenda. Heimildarmyndin rannsakar meðal annars hina undarlegu blóðtappa sem líkjast gúmmíteygjum og finnast allt í einu í mörgum látnum í Bandaríkjunum. Nokkrir læknar og fólk sem skaðast hefur af völdum „covid bóluefnisins“ taka þátt í rúmlega klukkutíma langri mynd, sem veldur óhug meðal þeirra sem á horfa.

Á mánudaginn var birt ný heimildarmynd sem nefnist „Skyndilegur dauði“ sem fjallar um flóðbylgju „óskiljanlegra“ dauðsfalla og sjúkdóma síðan í fyrra. Myndin fjallar meðal annars um blóðtappa sem líkjast gúmmíböndum sem Útvarp Saga greindi áður frá. Líksmurningarmenn í Bandaríkjunum bera vitni um, að þeir hafi aldrei séð annað eins. Meðal annars er rætt við líksmurningarmanninn Richard Hirschman sem Útvarp Saga skrifaði um.

Í heimildarmyndinni má sjá hvernig metralangur gúmmílíkur blóðtappi er dreginn úr líki látins manns. Það sem sést er skelfilegt. Einnig er farið yfir himinháar tölur af alls kyns sjúkdómum – þar á meðal krabbameini og taugasjúkdómum – í bandaríska hernum, fósturlátum og „óhreinu“ blóði í fólki. Meðal annars er því haldið fram, að eitthvað sé í blóðinu sem líkist kaffikornum.

Bólusettir deyja skyndilega

Það sem gerist er einnig tengt því sem glóbalistarnir og loftslagsdómsdagspredikarar eru að gera með Endurræsingunni miklu og óskinni um að fækka jarðarbúum „til heilla fyrir plánetuna.“ Í myndinni kemur fram, að það sé barnaskapur að trúa því ekki að til séu valdamiklir einstaklingar í heiminum, sem næra illar hugsanir og hvatir. Frumkvöðullinn og tölvufræðingurinn Steve Kirsch, sem fann upp tölvumúsina, hefur orðið heimsfrægur og jafnframt svívirtur fyrir gagnrýni sína á covid-bóluefnin. Hann segir:

„Ég á alls enga sögu um að vera samsæriskenningasmiður. Ég var bólusettur í mars 2021. Konan mín og öll börnin mín voru bólusett. Þú getur ekki kallað mig „bólusetningar-andstæðing.“ Ég hef alltaf tekið bóluefni, sem yfirvöld mæla með. Ég hef alltaf treyst þeim. En svo fór ég að heyra sögur frá vinum mínum. Einn spurði mig hvort bóluefnin væru örugg. Auðvitað eru þau það, sagði ég. Af hverju veltirðu því fyrir þér?, spurði ég. Þrír ættingjar mínir dóu viku eftir að hafa tekið bóluefnið, svaraði hún. Allir voru fullfrískir áður en þeir tóku bóluefnið. Það er ómögulegt, þetta hlýtur að vera rangt, sagði ég. Hún svaraði: En þeir eru dánir.“

Þetta er heimsstyrjöld milli góðs og ills

Því er einnig haldið fram, að yfirvöld í Ísrael og Bandaríkjunum séu að fela sannleikann um skaða af völdum bóluefnisins. Að sögn Steve Kirsch hafa bandarísk yfirvöld neitað að skoða gögn sem sýna að lyfið sé alls ekki öruggt. Breski útfararstjórinn John O´Looney segir í myndinni:

„Þetta hefur verið vel skipulagt. Þetta er Agenda 2030, þetta er Endurræsingin mikla. Þetta er trúlega heimsatburður á mælikvarða Biblíunnar, sem engum manni gat látið sér detta í hug. Þetta er heimsstyrjöld, andlegt stríð milli góðs og ills. Ég vona bara, að það sé nóg af hinu góða til í heiminum til að sigra hið illa, því annars munu þessi skrímsli eyðileggja mannkynið.“

Á einum degi hafa yfir tvær milljónir séð heimildarmyndina á Rumble. Myndina í heild sinni má einnig sjá á Twitter þar sem tæp milljón hefur séð hana. Myndin er rúmlega klukkutíma á lengd og má sjá hér að neðan ásamt nokkrum athugasemdum á Twitter:

Deila