Söguleg alþjóðleg læknaráðstefna í Osló

Troðfullt var á alþjóðlegu læknaráðstefnunni í Osló 19. nóvember og sýnir myndin ráðstefnugesti hlýða með athygli á fyrirlestra nokkurra af færustu sérfræðingum heims. Var markmið ráðstefnunnar að endurheimta fagmennsku og komast burtu frá þeirri spillingu sem ríkt hefur varðandi covid-bóluefnin.

Þann 19. nóvember 2022 komu yfir 400 Norðmenn, Svíar og Þjóðverjar saman í Klingenberg kvikmyndahúsinu í Ósló til að hlýða á nokkra af fremstu læknum og lýðheilsusérfræðingum heims á eins dags ráðstefnu sem bar yfirskriftina „Alþjóðleg ráðstefna í Osló – Í kjölfar Covid-kreppunnar – Ekki valda tjóni.“ Ráðstefnan var á vegum vegum Norska lækna- og heilbrigðisstarfsmannasambandsins, NLHF, norska heilbrigðistímaritsins Hemali og alþjóðlegra frjálsra félagasamtaka um stjórnmála- og vísindasiðfræði með aðsetur í Genf í Sviss.

Á heimasíðu sænska flokksins MoD er samantekt formannsins, Andreas Sidkvist, sem var einn af hvatamönnum ráðstefnunnar og var gestur ráðstefnunnar. Hann skrifar:

Flestir fyrirlesararnir voru á einu máli í gagnrýni sinni á covid-bóluefnunum og jafnframt þeirri spillingu, sem hefur orðið sífellt meira áberandi á undanförnum árum meðal vísindamanna og innan samfélags- og almennra fjölmiðla, sem ógnar lífi og heilsu fólks. Þar gafst m.a. tækifæri til að spyrja þekktasta hjartalækni Breta, Dr. Aseem Malhotra, um hvað hann hefði að segja við sænsk yfirvöld og stjórnmálamenn varðandi covid bóluefnið. Aseem Malhotra hefur áður talað á breska þinginu og fær boð um að tala á norska þinginu fljótlega. Vonandi býður sænska þingið einnig til að segja frá rannsóknum sínum.

Heiðarlegir læknar geta ekki lengur unnið að heiðarlegum læknastörfum. Við erum að sjá fullkomin mistök heilbrigðisgeirans, faraldur illra upplýstra lækna og illa upplýstra sjúklinga sem verða fyrir tjóni.

Dr. Aseem Malhotra er þekktur úr bresku sjónvarpi, sem talsmaður heilsu og bóluefna og sjálfur er hann tvíbólusettur gegn covid. Eftir níu mánaða ítarlegar rannsóknir á öryggi og virkni bóluefna segir hann að það hafi ekki verið svo skynsamlegt að láta bólusetja sig, því hann komst að þeirri niðurstöðu að tafarlaust beri að hætta bólusetningunum. Ástæðan er sú, að Covid-bóluefnið virkar ekki eins og hefðbundin bóluefni heldur er það genameðferð, sem getur haft áður óþekktar og mjög alvarlegar afleiðingar fyrir þá sem taka sprautuna. Aseem skipti um skoðun varðandi bóluefnið eftir að faðir hans, sem var áður heilbrigður og hafði engin hjartavandamál, lést úr hjartaáfalli skömmu eftir að hafa tekið covid-sprautu.

Ræðumenn

Margir þekktir læknar og baráttumenn gegn spillingu innan læknavísindanna töluðu á ráðstefnunni og sjá má helstu þeirra á myndinni að neðan. Nánar má lesa um dagskrána og kynningu á ræðumönnum hér.

Raddir frá ráðstefnunni:

Dr. Aseem Malhotra hjartalæknir frá Bretlandi:

„Ég get ekki sagt það nógu skýrt: STÖÐVIÐ BÓLUSETNINGARNAR! – Breytið lögunum.“

Dr. Ryan Cole meinafræðingur frá Bandaríkjunum:

„Börn eru ekki tilraunarottur.“

Meryll Mass M.D frá Bandaríkunum:

„Þegar þú áttar þig á því að breytingar eru óumflýjanlegar og þú streitist ekki á móti, þá reynir þú ekki að halda í það sem þú hefur, heldur lærir að vafra um öldur lífsins og þá verður lífið miklu auðveldara.“

Dr. Sven Román sænskur læknir:

„Fæðingartölur eru 8% lægri.“

Christian Perronne prófessor í smitsjúkdómum og fv. yfirmaður háskólasjúkrahúss Parísar um það sem þarf að gera til að koma heilbrigðismálunum í lag aftur:

„Í stuttu máli: Gerðu bara hið gagnstæða við það sem hefur verið gert í áratugi.“

Alexandra Henrion-Caude prófessor og forstjóri Heilbrigðis- og læknarannsóknarstofnunar Frakklands (INSERM) með RNA sem sérfræðigrein:

„Og hvað gerðist í hvert skipti sem fólk var fjöldabólusett hratt og með ágengni, – það verður að sjá þá staðreynd að verið var að sprauta fjölda manns, – við fengum verstu toppana í covid-19 dauða í öllum löndum, burtséð frá því hvaða bóluefni var notað, hvort svo sem það var Pfizer í Ísrael eða Astra Zeneca í Bretlandi.“

Astrid Stuckelberger MSc, PhD frá Sviss:

„Fyrsta spurningin sem er mjög mikilvæg núna er innihald hettuglasanna, bóluefnið, tilraunainnihaldið, það sama alls staðar, við vitum að svo er ekki. Er það líffræðilegt eða ekki?“

Sjá nánar hér, hér og hér

Deila