Í covid faraldrinum voru kjörnir fulltrúar úti á þekju og hræddir og ráðalausir um bóluefni lyfjarisanna. Þeir töldu sig ekki vita neitt um þessi mál og vísuðu á þríeykið. Síðar kom í ljós, að upplýsingarnar sem heilbrigðisyfirvöld byggðu þekkingu sína á reyndust haldlitlar. Nýtt sóttvarnafrumvarp leggur áherslu á að koma á fyrirkomulagi, þar sem auðvelt er að stýra og stjórna fólki til þess að lúta fyrirmælum lyfjarisannna. Frumvarpið veitir ráðherra og sérfræðingum auknar valdheimildir m.a. til þess að leita aðstoðar lögreglu til að ráðskast með frelsishagsmuni borgaranna. Þetta kom fram í þætti Arnþrúðar Karlsdóttur en gestur hennar var Björn Þorri Viktorsson lögmaður.
Þá kom fram í þættinum að stefnt sé að því af hálfu heilbrigðisyftrvalda hér á landi að koma á nánara sambandi og tengslum við alþjóðaheilbrigðismálastofnunina (WHO) og innleiða regluverkið sem er að finna í alþjóðaheilbrigðisreglugerðinni. Þetta mun leiða til þess að ákvarðanir í heilbrigðismálum verða í auknum mæli teknar í útlöndum af yfirþjóðlegum stofnunum. Því hefur verið haldið fram að Ísland ásamt mörgum öðrum ríkjum muni framselja til WHO fullveldi landsins í heilbrigðismálum.
Íslenskt forræði á farsóttarmálum framselt til WHO
Björn segir að verði frumvarpið að lögum þá verði ráðherra heimilt að innleiða nánast allar reglur úr alþjóðaheilbrigðisreglugerðinni inn í íslenska löggjöf. Hann segir það mjög athyglisvert sérstaklega þegar haft er í huga, að 80% fjármuna, sem renna til WHO eru frá lyfjarisum, sem áherslu á hagnað og gera háar arðsemiskröfur.Björn segir það afar sérkennilegt, að ekki sé horft með gagnrýnni augum á aðkomu lyfjafyrirtækjanna að Alþjóðaheilbrigðisstofnunni (WHO), þegar haft er í huga, að þegar bóluefnin komu fyrst á markað komu þau ekki í veg fyrir smit.
„Mér finnst of lítill gaumur hafi verið gefinn, að fólk trúði því einlæglega í upphafi að með sprautunum væri verið að koma í veg fyrr smit alveg eins og okkur var sagt en reyndist svo ekki vera rétt. Sóttvarnalæknir hélt því fram að þetta kæmi í 90% tilvika í veg fyrir smit en svo fjaraði það allt saman út og annað kom í ljós“
Innihald bóluefnanna er ekki þekkt
Björn segir að þegar menn hafi ekki getað haldið því lengur til streitu að sprauturnar kæmu í veg fyrir smit þá var því haldið fram, að fólk veiktist líklega minna, ef það fengi sprautuna. Björn segir að þegar yfirmenn lyfjarisanna voru svo kallaðir fyrir þingnefndir hafi þeir viðurkennt að það hefði ekki einu sinni verið kannað áður en efnin fóru á markað hvort þau kæmu í veg fyrir smit.
Arnþrúður bendir á, að það sé ákveðið áhyggjuefni, að ekki berast réttar upplýsingar til Íslands. Ráðamenn hér á landi eiga bagt með að skoða tillögur af gagnrýni sem berast frá útlöndum. Í þættinum kom fram, að í þessu nýja frumvarpi er greint frá því og mælt fyrir um í orðskýringum fjórðu greinar laganna, þar sem lýst sé inngripi í líkama og talað um að gera gat eða rista skurð á húð, ísetningu áhalds eða framandi efnis í líkamann og rannsókn á líkamsholi.
Björn segir að í orðskýringum vera dæmi um það sem verið sé að setja inn beint úr alþjóðaheilbrigðisreglugerðinni og taka upp inn í íslenskan rétt. Hann segir skýringar Hafdísar Hrannar Hafsteinsdóttur þingmann Framsóknarflokksins og frummælanda frumvarpsins um að mRNA væri frammandi efni væru nokkuð langsóttar og segir öll bóluefni sem ekki hafa verið reynd í langa hríð vera í raun framandi efni og það gildi sérlög um vísindatilraunir á heilbrigðissviði um efni sem hafa ekki verið fullreynd sem ekki hafi verið farið eftir þegar byrjað var að nota covid efnin.
Björn Þorri spyr hvers vegna ekki hafi heyrst frá vísindasiðanefnd vegna þess og hvort allir séu sofandi þar. Arnþrúður bendir á að hún hafi rætt við vísindasiðanefnd sem hafi sagt henni að málið hefði aldrei komið á þeirra borð, það sé engu líkara að það sé búið að loka á hina ýmsu framkvæmdaraðila og öryggisventla þegar kemur að covid efnunum.
Verið að taka af okkur borgaraleg réttindi með sóttvarnarlögum
Hvað varðar ákvæði í frumvarpinu sem gefur sóttvarnalækni heimild til þess að láta handtaka fólk og vista það á hinum ýmsu stöðum segir Björn að fólk hafi í faraldrinum í raun hafa verið frelsissvipt, það hafi jafnvel verið flutt á sóttvarnarhús gegn vilja sínum. Lögreglan hafi gengið um og taldi sig sjá mikil merki um lögbrot ef það komu til dæmis fleiri saman en tíu á ákveðnum vinnstöðum og jólaboðum.
„Það er að koma upp hérna þetta aukna stjórnlyndi sem kemur erlendis frá og þetta hef ég verið að sjá í Evrópu til dæmis og í Bandaríkjunum þar sem forsetinn er löngu búinn að lýsa því yfir að covid sé búið en samt fá óbólusettir ekki að fara til Bandaríkjanna. Það er verið að reyna að stýra okkur af miklu meira afli en áður og taka af okkur persónubundinn og stjórnarskrárvarin réttindi í nafni sóttvarna og ég hef bara áhyggjur af því, þó maður vilji auðvitað bregðast við af skynsemi, ef brjótist og beiðast út farsóttir“
Stjórnvöld í Bretlandi vissu að faraldurinn væri ekki hættulegur
Björn segir einkennilegt að lítið sé fjallað hér á landi til dæmis um Whats app lekann(byggir á frásögn Daily Telegraph) þar sem flettist ofan af því að bresk stjórnvöld vissu að faraldurinn væri ekki hættulegur og varpar um leið ljósi á partýstandið í Downingstræti með þátttöku Boris Johnsons þa´verandi forsætirsráðherra..
„Hér er ekkert fjallað neitt um þetta og hvar er RÚV? af hverju segja þeir ekkert frá þessu?“segir Björn.
Arnþrúður segir það góða spurningu og vísar til þess að þeir hafi lagaskyldu á sér til þess að upplýsa um eins mörg sjónarmið og tök séu á. Því sé afar slæmt að þetta skuli ekki fá neina umfjöllun frekar en alvarlegar afleiðingar og veikindi eftir sprautumeðferðinrnar..
Það var verið að hræða fólk til þess að það færi í sprautuna
Björn segir mjög mikið af upplýsingum vera haldið frá fólki, sérstaklega í tengslum við covid. Hann segir skiljanlegt að það sé erfitt að ræða þessi mál en jafnframt nauðsynlegt enda hafi margir verið skelfingu lostnir sem eðlilegt var og eftir á að hyggja hafi allar aðgerðir stjórnvalda verið til þess fallnar að hræða fólk.
„það var verið að hræða fólk til þess að það færi í þessar sprautur, það voru birtar myndir frá Wuhan þar sem verið var að byggja spítala á methraða og það var verið að rafsjóða fólk fast inni í byggingum, það voru sýndar myndir af hundruðum líka út á götu og svo framvegis, þetta var gert í þeim tilgangi að gera fólk skelfingu lostið“ sagði Björn Þorri Viktorsson lögmaður.
Hægt er að lesa frumvarpið með því að smella hér
