Daily Mail segir frá nýrri rannsókn, sem staðfestir það sem marga grunaði: kórónubóluefnin setja tíðahringrás kvenna úr skorðum. Fyrr í sumar var sagt frá því, að hundruðir tillkynningar hefðu komið varðandi breytingar á tíðum kvenna í Svíþjóð eftir að þær voru bólusettar gegn covid-19. Síðan hefur tilkynningum í Svíþjóð fjölgað og skipta núna þúsundum.
Engar rannsóknir, sem gátu staðfest samband bóluefna við tíðaröskun kvenna, voru til fram að þessu en núna er sambandið staðfest.
Samkvæmt nýrri rannsókn, sem birt var í Obstetrics & Genecology þá framlengjast tíðahringir kvenna að meðaltali um 15,36 tíma eftir fyrstu sprautuna og um 18,96 tíma eftir aðra sprautu.
Yfir fjögur þúsund konur tóku þátt í rannsókninni, sem vísindamenn við Heilbrigðiðs og vísindaháskóla Oregon stjórnuðu.
Sænska sjónvarpið hafnaði í maí 2021 frásögnum kvenna um tíðaraskanir vegna bóluefna sem „stórhættulegu slúðri.“
Bodil Appelquist vísindafréttamaður sænska sjónvarpsins sagði: „Hættan er að þetta hræði konur frá því að bólusetja sig, þrátt fyrir að engin rannsókn sé til sem sýni fram á nokkuð samband. Að verið sé að dreifa slíkum frásögnum á félagsmiðlum er ekki alveg óvænt. Þar dugar oftast að sá fræi grunsemda sem síðar slá rótum og verða fljótlega að sannleika fyrir marga, þótt vanti bæði staðreyndir og vísindi.“
Núna vitum við að sænska sjónvarpið hafði á röngu að standa og frásagnir kvenna af reynslu sinni á félagsmiðlum eru núna vísindalega sannaðar.
