„Stærsta svindl sögunnar“ – krefst þess að ríkið hætti tilhæfulausum loftslagsviðvörunum

Það er kominn tími til að ríkið og Svíar vakni varðandi „loftslagið.“ Það er engin hættuleg loftslagskreppa í gangi. Þvert á móti, þá er koltvísýringur gagnlegur fyrir heiminn og jarðarbúa. Það segir Sture Åström, verkfræðingur, hjá „Loftslagsvitund“ í samtali við Swebbtv.

„Bæði ríkið og unga fólkið gera ráð fyrir að við séum í hættu, vegna þess að hamfarir standi fyrir dyrum. Einhver þarf að segja upphátt, að þetta sé stærsta svindl sögunnar. Þetta er ekki satt.“

Mikael Willgert hjá Swebbtv tók viðtal við sænska byggingarverkfræðinginn Sture Åström sem heldur úti heimasíðunni Loftslagsvitund „Klimatsans“ sem gengur þvert á loftslagsáróður glóbalistanna. Til dæmis er vefsíðan skráð á „EU DISINFOLAB“ sem ein af 29 síðum sem sagt er að „sérhæfi sig í falsáróðri um loftslagið.“ Samkvæmt Loftslagsvitundinni eru það hins vegar yfirvöld sem koma með „ófullkomnar, villandi eða algjörlega rangar fréttir um loftslagið.“

Múgsefjun í stíl við Þýskaland Hitlers

Åström líkir múgsefjuninni í kringum loftslagið við ástandið sem ríkti í Þýskalandi Hitlers. Hann segir:

„Almenningur fær ekki að heyra annað en að það sé koltvísýringnum að kenna og að allt sé að fara til fjandans. Hvað á hann að halda? Jú, hann fyllist af loftslagskvíða.“

„Þetta sýnir mátt fjölmiðla. Ef þú hefur vald yfir fjölmiðlum stjórnar þú almenningsálitinu. Það þýðir að ríkisþingið sem við höfum í dag, getur ekki tekið ákvarðanir sem ganga gegn almenningsálitinu og almenningsálitið er í grundvallaratriðum ákvarðað af ríkissjónvarpinu. Það er ekki í þinginu sem stjórnmálin eru ákveðin heldur heldur í fjölmiðlum. Þetta er þjóðarslys á ævintýralegum skala.“

Loftslagsmálin eiga ekki heima í réttarkerfinu

Unglingahópurinn Aurora hefur valið að kæra sænska ríkið fyrir að „meðhöndla ekki loftslagskreppuna sem kreppu.“ Í 10 bls. svari ríkisins segir að:

„Ríkið sé meðvitað um mikilvægi þess að gripið sé til aðgerða til að takmarka hlýnun jarðar. Ríkið ber einnig ábyrgð á því að leggja sitt af mörkum til að ná heildarhitamarkmiði Parísarsamkomulagsins.“

Sture Åström segist hafa sótt um að gerast milligöngumaður í málinu, þ.e.a.s. þátttakandi sem þriðji aðili í réttarfarinu, sem dómstóllinn hafi ekki samþykkt. Hann vill að málinu sé vísað frá, því að það sé mál sem snerti vísindi og staðreyndir og eigi ekki að fara fyrir almenna dómstóla. Åström telur að sérhver Svíi eigi rétt á að gerast milligöngumaður í þessu máli, því það snerti alla landsmenn:

„Bæði ríkið og þetta unga fólk ganga út frá því, að við lifum hættulega vegna þess að hamfarir standa fyrir dyrum. Einhver þarf að segja, að þetta sé stærsta svindl sögunnar. Þetta er ekki satt. Svona spurningar eiga ekki heima í réttarkerfinu heldur þarf að ákveða þær í almennum kosningum. Önnur krafa mín er sú, að dómstóllinn taki tillit til þess að kæran sé algjörlega óþörf. Það er engin ástæða til fyrir loftslagskvíða.“

Losun koltvísýrings til góðs fyrir mannkynið

Sture Åström segir að „mannkynið hafi aldrei haft það eins gott og núna.“ Hann gagnrýnir harðlega „loftslagslíkön“ heimsendamanna sem móðursýkin byggir á:

„Öll blekkingin um áhrif koltvísýrings á loftslagið byggir á þeirri sannfæringu að hægt sé að spá fyrir hvernig loftslagið verði með loftslagslíkönum, þ.e. tölvugerðum líkönum af þróun loftslags. Það er svo heimskulegt að orð fá ekki lýst því. Það er tekið fram að loftslagið sé glundroði og slíkt er ekki hægt að reikna út. Þess vegna er ekki hægt að reikna út hvernig loftslagið hefði í raun litið út í dag, ef við hefðum ekki brennt koltvísýringi. Það er ekki hægt að reikna það út, því það eru svo margir áhrifaþættir og flestir þeirra vitum við ekki nægjanlega um.“

„Af 80 þáttum þekkjum við mögulega 10, 20, eða 30 en þá eru samt eftir 50 sem við verðum að reikna með. Það þýðir ágiskanir. Þannig að við höfum helling af tilgátum. Þetta eru nánast allt getgátur. Þú kveikir á tölvunni og treystir á hana. Síðan tekur þú niðurstöðuna og segist rannsaka hana. En þú setur þetta allt saman sjálfur. Það er ljóst, að niðurstaðan verður eins og hún er forrituð til að vera. Þú getur ekki rannsakað það. Það er Orwellskt nýyrði að kalla þetta rannsóknir.“

Skýin stjórna loftslaginu

Samkvæmt Åström eru það skýin sem eru í raun aðalatriðið.

„Það eru skýin sem ákveða hitastigið. Skýjamyndunin ræðst ekki af loftslaginu heldur er það skýjamyndunin sem ræður loftslaginu. Skýjamyndun fer að miklu leyti eftir starfsemi sólarinnar og styrkleikanum í segulsviði hennar. Allt sem heimsendamenn loftslagsins segja eru öfugmæli. Veruleikinn er einmitt hið gagnstæða.“

Horfa má á allt viðtalið hér að neðan: