Í dag tók Arnþrúður Karlsdóttir á móti Guðrúnu Kristínu Ívarsdóttur miðli þar sem brugðið var á leik og spáði Guðrún Kristín fyrir um ýmsa atburði sem hún sér fyrir sér að muni gerast á næstunni. Má þar helst nefna mjög óvænt úrslit forsetakosninganna á laugardaginn, stríðsástandið í heiminum, Evrópuher í stað NATO og vandræðagang á Alþingi.
Við viljum vekja athygli á að spáin er aðeins samkvæmisleikur og við nefnum helstu atriði hér sem hún fjallaði um.
Utanríkismálin
Ísrael – Palestína
Guðrún segir að stríðinu á Gaza fari að linna á næstu vikum með tapi Ísraels. Ástandið þar sé skelfilegt þar sem konur og börn séu myrt og enginn sé þar óhultur. Ríki í miðausturlöndum ásamt ríkjum Evrópu muni gera þá kröfu að stríðinu ljúki sem mun gerast sem fyrr segir innan skamms. Guðrún segir að líklegt að niðurstaðan verði að stofnað verði nýtt ríki. Þá segir hún að undir lok átakanna muni Benjamin Netanyahu forsætisráðherra verða myrtur. Guðrún segir að því miður sé það svo að líklega séu flestir þeir gíslar sem Hamas tóku í árásinni á Ísrael 7.október síðastliðinn látnir. Hún segir að það muni taka mörg ár að byggja svæðið upp á nýju en þeir sem beri ábyrgð á stríðsglæpum verði dregnir fyrir stríðsglæpadómstól og dæmdir. Margir þeirra sem flúðu frá Palestínu vegna stríðsins munu ekki snúa aftur.
Úkraína – Rússland
Stríðið Í Úkraínu er næstum búið að sögn Guðrúnar og mun enda með sigri Rússa sem eiga eftir að taka undir sig 90% af Úkraínu. Ástæður þess að Rússar munu vinna stríðið sé vegna þess að þeir eigi yfir öflugri drónum og vopnum að ráða en fólk hefur talið hingað til. Því muni ekki verða af kjarnorkustyrjöld eins og margir hafa óttast. Þá segir Guðrún að hún sjái Zelensky forseta Úkraínu verða dreginn fyrir stríðsglæpadómstól.
Kína- Rússland- Bandaríkin
Þá segir Guðrún að Rússar og Kínverjar vinni að því sameiginlega að koma á friði í veröldinni og reyna það sem þeir geta til þess en það verði að lokum Donald Trump sem muni koma á friði eftir að hann verður næsti forseti Bandaríkjanna.
Guðrún segir að hún sjái að einhver átök séu í uppsiglingu á milli Kína og Bandaríkjanna en Trump muni fara til Kína og stoppa það af.
Næsta stríð sem fer af stað verður milli Kína og Taiwan og þar munu Bandaríkin blandast inn í málin. Trump muni koma að þeim átökum og miðla málum.
Evrópuher í stað NATO
Í spánni segir Guðrún að hún sjái að mögulega kæmi Evrópuher í stað NATO og þar munu íslensk ungmenni ganga í herinn.
Kreppuástand í Evrópu
Kreppuástand mun ríkja í Evrópu og Evran mun falla að sögn Guðrúnar en það gerist ekki alveg strax mögulega í enda 2025 eða byrjun árs 2026
Alþingi
Reynt verður að selja Íslandsbanka en tekst það ekki vegna andstöðu í þinginu og mikilla mótmæla sem munu brjótast út. Guðrún segir að þingið sé í raun óstarfhæft þar sem mikil óeining ríki innan Sjálfstæðisflokksins og líka í öðrum stjórnarflokkum. Hver höndin sé upp á móti hvor annari
Bjarkey Olsen matvælaráðherra mun ekki heimila hvalveiðar og þess vegna springur stjórnin segir Guðrún Kristín.
Efnahagurinn er í rúst og allir sjóðir tómir. Reynt verður að setja meiri skattaálögur á almenning.
Það verður virkjað og Landsvirkjun seld
Hvað virkjanamálin varðar þá segir Guðrún að virkjað verði en raforkan verði hins vegar seld úr landi. Þá muni koma upp sú staða að selja verði Landsvikrjun vegna samkeppnisreglna EES samningsins og segir Guðrún að stutt sé í að af því verði.
Vaxtakjörin lagast með nýrri ríkisstjórn
Guðrún segir einnig að vaxtamálin muni ekkert lagast fyrr en ný ríkisstjórn taki við völdum
Varðandi húsnæðismarkaðinn segir Guðrún að verið sé viljandi að búa til skort til þess að hækka húsnæðisverð
Ragnar Þór Ingólfsson formaður VR mun ýta því af stað að að tekið verði upp verkamannabústaðaskerfi.
Aðspurð um hvort Guðrún sjái hvort fólki verði hjálpað meira fjárhagslega segir Guðrún að ríkissjóður ráði ekki við að aðstoða fólk meira en orðið er.
Alþingiskosningar í haust
Guðrún segir að þegar ríkisstjórnin springi verði kosningar í haust og þá verði breytingar sem verða vonandi jákvæðar
Jarðhræringar – áhrif á flugsamgöngur
Stutt er í næsta eldgos sem verði mjög stórt og til að gera sér í hugarlund hversu stórt það verði segir Guðrún að varnargarðar muni ekki ráða við hraunrennslið sem af því hlýst og Grindavík fari að hluta undir hraun og þaðan renni hraunið út í sjó. Virkjunin í Svartsengi sé einnig í hættu og farið gæti svo að taka þyrfti í notkun sérstaka gáma sem séu rafstöðvar og þeir verði nýttir til að koma á lágmarks rafmagni. Gosið mun einnig hafa áhrif á flugsamgöngur og Akureyrarflugvöllur verður notaður sem alþjóðaflugvöllur um tíma.
Hún segir að tölur sem hafi sótt að henni varðandi gosið gefi til kynna að mögulega verði þetta kosningagos og verði jafnvel fyrsta eða annan júní næstkomandi. Guðrún ráðleggur fólki að vera viðbúið með flóttaleiðir og hún segir að hamfarirnar eru rétt byrjunin á því sem koma skal því gosbeltið liggi þvert í gegnum landið
Forsetakosningarnar – Mjög óvænt úrslit
Um forsetakosningarnar segir Guðrún að hún sjái að það sé enginn sem muni draga framboð sitt til baka á lokametrunum. Á kosningakvöldi muni spennan haldast lengi fram eftir kvöldi en þegar talin verða þau atkvæði sem greidd hafa verið utankjörfundar þá fari línur að skýrast.
Úrslitin munu koma mjög á óvart en forsetinn verður kona sem ekki mun verða nema í eitt eða tvö kjörtímabil að sögn Guðrúnar. Hún segir að þjóðin verði ánægð með nýja forsetann og með honum komi ný orka yfir landið.
Hvað fráfarandi forseta varðar þá mun Guðni snúa sér að kennslu og miklar breytingar verða á hans persónulega lífi. Hann mun vera mikið erlendis, einbeita sér að skrifum og kynna Ísland.
Breytingar verða gerðar eftir þessar kosningar og settar upp forkosningar og aðalkosningar.
Kosningarnar persónulegur sigur fyrir Ásdísi Rán
Guðrún nefnir einnig að kosningarnar nú verði ákveðinn persónulegur sigur fyrir Ásdísi Rán því þátttaka hennar í kosningunum muni opna ný og mikil tækifæri fyrir hana persónulega og hún eigi eftir að fá stór og góð tækifæri til að kynna land og þjóð á vegum stórfyrirtækja.
Guðrún segir að lokum að sumarið komi ekki af alvöru fyrr en um miðjan júní en það er þó bjart framundan veðurfarslega
Þeir sem vilja panta einkatíma hjá Guðrúnu geta smellt hér og farið inn á appið í 7 himni og bókað þar tíma.
Hlusta má nánar á spána í spilaranum hér að neðan