Anders Ygeman orkumálaráðherra Svíþjóðar og Erna Solberg forsætisráðherra Noregs eru komin í hár saman vegna nýnasista í löndunum og sameiginlegrar göngu þeirra um götur bæja í Noregi.
Erna lét þau ummæli falla í Aftenposten eftir árásina á moskuna í Bærum að þegar nýnasistar þrammi um göur Fredrikstad og Kristiansand séu þar sænskumælandi Nýnasistar áberandi meðal göngumanna.
Orð Solberg féllu í grýttan jarðveg hjá Anders Ygeman sem svaraði ummælunum á þann veg að ríkisstjórn Noregs ætti að líta sér næ og að Solberg ætti að fara varlega í að kíkja yfir landamærin í leit að sögusögnum til þess að mata hægri populismann.
Ummæli sænska krataráðherrans í Svíþjóð hafa mætt mikilli gagnrýni bæði í Noregi sem innanlands í Svíþjóð. Þannig segir fyrrverandi heilsumálaráðherra Noregs Sylvi Listhaug í viðtali við sænska Aftonbladet að
”við þurfum ekki á neinum ráðleggingum að halda frá Svíþjóð þar sem staðfest hefur verið miklu stærra nýnazískt umhverfi en í Noregi. Við þurfum engin ráð frá Ygeman eða öðrum sænskum stjórnmálamönnum sem hafa stungið höfðinu í sandinn í tíu ár og þora ekki að ræða fólksinnflutninginn né þær afleiðingar sem fylgja”.
Tobias Billström hjá Móderötum í Svíþjóð segir í viðtali við Aftonbladet:
”þegar forsætisráðherra Noregs réttir fram hendina til samstarfs gegn nazistum, þá er það allvarlegt að henni sé mætt með kinnhesti af fulltrúa sænsku ríkisstjórnarinnar”. Ebba Busch Thor formaður Kristdemókrata í Svíþjóð segir yfirlýsingar Ygeman hallærislegar:
”Ef sænskir nazistar fara til Noregs til að dreifa hatri sínu þá bandar maður ekki slíku frá sér heldur tekur það í fullri alvöru og gerir allt til að hreinsa fyrir framan eigin dyrum”.
Henrik Asheim þingmaður Höyre gagnrýnir Ygeman fyrir að hafa núið Norðmönnum um nasir að fjöldamorðin á Utöya 22. júlí 2011 voru framin af Norðmanni:
”Ygeman leggst á lægra plan í umræðunni en norska vinstri hreyfingin eftir 22. júlí. Það er leiðinlegt.”
Sænska ríkisstjórnin er dugleg að stofna til rifrilda við kollega sína í ýmsum löngum. Nýverið sagði dómsmálaráðherra Svíþjóðar Morgan Johansson að Pólverjar kæmu til Svíþjóðar til að stela og ræna. Voru það viðbrögð sænsku ríkisstjórnarinnar við tísti pólska ESB-þingmannsins Beata Mazurek sem lýsti því yfir Svíar flýðu Svíþjóð og kæmu til Póllands, allt að 100-200 Svíar skrá sig inn í Pólland á hverjum degi og skipta þeir þúsundum.
