Löggæslustofnanir eru að undirbúa ákæru a fyrrverandi forseta Donald Trump og að gefin verði út handtökuskipun á hann og hann gerður að eftirlýstum sakborningi. NBC vísaði til þess föstudag, að starfsmenn alríkisins, New York fylkis og í héraðsþingi Manhattan ræði til hvaða öryggisráðstafana verði gripið til verði Trump saksóttur, að sögn fimm háttsettra embættismanna sem NBC News vitnaði í. Ákæran gæti komið strax í næstu viku og Trump hefur tilkynnt að handaka eigi hann á þriðjudag skv. upplýsingum sem lekið hafa út frá héraðslögmanni Manhattan.
Trump yrði ákærður fyrir brot sem tengist meintum óviðeigandi greiðslum til klámleikkonunnar Stormy Daniels, samkvæmt NBC. Stofnanir sem undirbúa verknaðinn eru lögreglan í New York, NYPD, dómstólar í New York fylki, bandaríska leyniþjónustan, sameinaðar hryðjuverkasveitir FBI og héraðssaksóknari Manhattan, samkvæmt NBC.
Undirbúa ákæru, handtökuskipun og hvernig hryðjuverkasveitir FBI eiga að handsama Trump og færa í járnum til dómstólsins í New York
Heimildir lýsa hvernig verið er að undirbúa fyrstu komu Trumps fyrir sakamáladómstólnum á Manhattan, samkvæmt Fox News (sbr. tístið neðar á síðunni). Leyniþjónustan og lögreglan í New York vinna að sköpun ferlis til að láta Trump mæta í dómshúsið, að sögn Fox News. Alvin Bragg, héraðssaksóknari á Manhattan, sem George Soros hefur fjármagnað, hefur áður sagt, að hann sé að rannsaka persónuleg fjármál Trump.
Sagt er að Bragg hafi leitað eftir fundi með öðrum löggæslustofnunum til að ræða sækja eigi og flytja Donald Trump til dómstólsins. Trump – sem hefur tilkynnt annað framboð til forsetaembættisins, ef repúblikanar samþykki hann sem forsetaefni sitt og allar líkur benda til – hefur látið skilja, að sakamálsákæra gegn honum muni ekki hafa áhrif á fyrirætlanir hans um að snúa aftur í Hvíta húsið. Samkvæmt The New York Times lítur Trum á hugsanlega sakamálaákæru á sig sem árás demókrata á repúblikanaflokkinn í því skyni, að reyna að ógilda forsetaframboðið. „Ég myndi ekki einu sinni hugsa um að hætta við framboðið“ segir Trump skv. New York Times.
Stöðugar staðhæfu- og árangurslausar árásir
Talsmaður Trump, Steven Cheung, segir í skeyti til Fox News, að rannsókn Alvin Bragg séu áframhaldandi nornaveiðar til höfuðs Trump:
„Forseti Donald J. Trump er algjörlega saklaus, hann gerði ekkert rangt, og jafnvel stærstu, róttækustu vinstri demókratar segja það sjálfir. Frá Rússlandi, Rússlandi, Rússlandi, til Mueller blekkingarinnar, til ákæru um ríkisrétt 1 og 2, og jafnvel hinnar ólöglegu Mar-a-Lago árás, þá hafa demókratar stöðugt rannsakað og ráðist á Trump forseta frá því áður en hann var kjörinn forseti – og þeim hefur mistekist allan tímann.”
Enginn fyrrverandi forseti hefur nokkru sinni verið ákærður eða dæmdur fyrir glæp í sögu Bandaríkjanna
Trump gagnrýndi „róttæka vinstri demókratíska saksóknara“ í miðvikudagsskilaboðum á Truth Social og segir málaundirbúninginn bein afskipti af komandi forsetakosningum. Hugsanlegar ákærur gegn Trump myndu fela í sér fjölgun glæparannsókna sem nú þegar eru í gangi gegn Trump. Embættismenn dómsmálaráðuneytisins hafa hingað til neitað að ákæra Trump, jafnvel eftir að hafa látið framkvæma fordæmalausa árás á Mar-a-Lago bústað fyrrverandi forseta vegna deilu um geymslu skjala.
