Lyfjarisinn Pfizer gaf hljóðlega út yfirlýsingu sem svar við myndbandi Verkefnis Sannleikans sem Útvarp Saga hefur sagt frá. Á myndbandinu uppljóstrar Jordon Trishton Walker, rannsóknarstjóri Pfizer, að Pfizer rannsaki „stýrða þróun“ kórónuveirunnar til að koma með fleiri bóluefni og geta grætt meira. Pfizer segir:
„Í samvinnu við samstarfsaðila höfum við framkvæmt rannsóknir þar sem upprunalega SARS-CoV-2 veiran hefur verið notað til að forma toppprótein nýrra afbrigða, sem valdið geta áhyggjum.“
Segjast vinna með „samstarfsaðilum“ að „stýrðri þróun“ veirunnar
Doktor Naomi Wolf var í þætti Steve Bannon á laugardaginn eftir að Pfizer birti fréttatilkynninguna (sjá mynd að ofan). Doktor Wolf hafði miklar áhyggjur af einstökum atriðum í yfirlýsingunni:
„Þeir halda áfram að segja, „Í samvinnu við samstarfsaðila höfum við framkvæmt rannsóknir þar sem upprunalega SARS-CoC-2 veiran hefur verið notað til að forma toppprótein hjá nýjum afbrigðum sem valda áhyggjum.“ Þannig að það er í grundvallaratriðum að segja: „Já, við erum sannarlega að vinna að rannsóknum að viðbótarvirkni. Við erum sannarlega að gera tilraunir til að gera veiruna banvænni. Það orð sem hræðir mig er „samstarfsaðilar.“ Þeir segja ekki bandarískir samstarfsmenn. Þeir eru ekki að segja, að við séum að vinna með Moderna, við erum að vinna með Lyfjastofnuninni, við erum að vinna með Smitsjúkdómavarnastofnuninni… þetta gætu verið tilvistarandstæðingar okkar, sem eru að vinna eins og þeir hafa gert áður til að gera veiruna banvænni.“
Ný bók: Finndu út hvað Pfizer og Lyfjastofnunin reyndu að fela
Doktor Naomi Wolf og The Daily Clout gáfu nýlega út „ Skilgreining Pfizer skjalanna – Finndu út hvað Pfizer, FDA reyndi að leyna.“ Bókin inniheldur 50 skýrslur skrifaðar af viðurkenndum sjálfboðaliðum, sem rannsökuðu Pfizer skjölin sem gefin voru út samkvæmt dómsúrskurði frá bandaríska FDA. Bókin er númer 6 yfir söluhæstu greiddum rafbóka Kindle og númer 1 á sviði fræðirannsókna, vísindaaðferða og tölfræði og vísindarannsókna.
Samkvæmt bókinni vissi Pfizer meðan á klínísku rannsókninni stóð að COVID-19 mRNA lyfið var skaðlegt í miklum mæli, gæti farið frá manni til manns og jafnvel stuðlað að dauðsföllum. Þrátt fyrir þessa vitneskju þögguðu Pfizer og Lyfjastofnunin, með aðstoð Smitsjúkdómavarnastofnunarinnar og almennra fjölmiðla, þessar upplýsingar og komu í veg fyrir að fólk gæti gefið upplýst samþykki við bólusetningu. Amy Kelly, verkefnastjóri rannsóknarteymis Pfizer-skjalanna segir:
„Rafbókin um Pfizer-skjölin veitir almenningi víðtæka greiningu á aðaluppsprettu klínískra rannsókna Pfizer-skjalanna. Skjölin sýna, að Pfizer vissi meðan á rannsókninni stóð, að COVID-19 mRNA lyfið var skaðlegt í stórum stíl, gæti farið frá manni til manns og jafnvel stuðlað að dauðsföllum. Fólk sem tók þetta lyf var ekki að fullu upplýst um skaðsemi þess áður en það fékk það, þannig að ein af meginreglum lyfsins – upplýst samþykki sjúklinga – var gróflega brotið.“
„Vakandi refurinn“ skrifar í umsögn um bókina:
„Hin nýja tímamótabók skellir höggi á glæpafyrirtækið Pfizer. – Sjötíu og fimm ár. Svo lengi ætluðu Pfizer og Lyfjastofnunin að fela Pfizer skjölin fyrir almenningi – löngu eftir að nánast allir sem verða fyrir áhrifum eru látnir. Það var ekki fyrr en hinn frægi lögfræðingur Aaron Siri leiddi FOIA-mál gegn Lyfjastofnuninni, að alríkisdómari fyrirskipaði að skjölin yrðu gefin út á 108 dögum, sem er jafn langur tími og það tók Lyfjastofnunina að samþykkja Covid-19 sprauturnar.“