Í þættinum Fréttir vikunnar ræddu Arnþrúður Karlsdóttir og Pétur Gunnlaugsson við Írisi Erlingsdóttur, fjölmiðlafræðing sem búsett er í Minnesota í Bandaríkjunum, um nýjustu vendingar í bandarískum stjórnmálum. Meðal annars var rætt um framgöngu Kamölu Harris, forsetaefni demókrata sem svarar ekki erfiðum spurningum fjölmiðla og Tim Walz varaforsetaefni Harris sem reynir að blekkja kjósendur með lygum um herþjónustu sína.
Tim Walz skreytir sig með stolnum fjöðrum – staðinn að lygum
Íris benti á að Tim Walz varaforsetaefni Kamelu Harris væri sakaður um að skreyta sig með stolnum fjöðrum. Þrátt fyrir að Walz hafi oft verið lýst sem fyrrverandi hermanni, þá hafi hann í raun aldrei tekið þátt í beinum hernaðarátökum heldur hafi starfað í þjóðvarðliðinu. Hann hætti störfum í þjóðvarðliðinu árið 2005, rétt áður en hans deild var kölluð til þjónustu í Írak. Fyrir þetta hafi Tim Walz fengið gagnrýni meðal félaga sinna frá þeim tíma sem hafa nú sent frá sér undirskriftarlista sem staðfestir að Tim Walz hafi aldrei farið til Íraks og hafi ekki þorað í herþjónustu. Tim Wals og Kamala Harris hafa haft fögur orð um afrek hans í herþjónustunni sem afhjúpast nú sem lygar.
Kamala Harris svarar ekki spurningum nema sjá þær fyrirfram
Þá ræddi Íris einnig um Kamölu Harris og hvernig hún hefur sloppið við áleitnar spurningar frá fjölmiðlum. Hún sagði að Harris forðist að svara spurningum nema hún fái þær fyrirfram, sem sé andstætt þeim lýðræðislegu gildum sem samfélagið ætti að halda í heiðri.
Joe Biden forseti illur yfir framkomu nánustu félaga sinna
Þá sagði Íris að Joe Biden, fyrrverandi forseti, hafi verið illur yfir framkomu félaga sinna í Demókrataflokknum. Biden hafi orðið fyrir miklum þrýstingi frá leiðtogum flokksins, þar á meðal Barack Obama, og að honum hafi verið hótað með neikvæðri fjölmiðlaumfjöllunum ef hann drægi ekki framboð sitt til baka.
Mikilvægt að Kamala Harris svari um stefnu sína í utanríkismálum og efnahagsmálum
Pétur benti á að lýðræðið væri í hættu ef stjórnmálamenn eins og Harris fengju að forðast ábyrgð án þess að fjölmiðlar krefji þau svara. Harris hafi ekki greint frá því að neinu leyti hver stefna hennar sé í lykilmálum eins og utanríkismálum, innflytjendamálum og efnahagsmálum.
Óeirðirnar í Bretlandi skýrast af óánægju Breta vegna stjórnleysis í innflytjendamálum
Í þættinum var einnig fjallað um óeirðirnar í Bretlandi sem sagðar hafa verið að undirlagi hægri öfgamanna. Í þættinum kom fram að mótmælin snúist fyrst og fremst um andstöðu við innflytjendastefnu stjórnvalda og að margir venjulegir Bretar séu að mótmæla, en ekki öfgamenn eins og sumir fjölmiðlar vilja meina og áróðurinn gefur til kynna.
Hlusta má á ítarlegri umfjöllun um fréttir vikunnar í spilaranum hér að neðan