Varla kemst neitt annað að þessa dagana varðandi spurninguna um uppruna veirunnar en tölvubréf Dr. Fauci sem hafa bæði lekið út og og einnig verið afhent opinberlega og gerð aðgengileg. Meðal annars hefur bandaríska Lýðheilsan NIH neyðst til að afhenda bréf vegna ákæru ICAN, „Informed Consent Action Network“ sem verndar hagsmuni neytenda gagnvart lyfjarisunum. ICAN bað Lýðheilsuna um aðgang að tölvubréfum Fauci en var neitað og þá höfðaði ICAN mál á hendur stofnuninni 29. júní 2020. Bandaríska Lýðheilsan brást við með því að lofa að afhenda tölvupóst Fauci sem hægt er að hlaða niður hér.
Í byrjun mánaðarins hafði ICAN fengið um 3.000 blaðsíður af sendum tölvupósti frá Fauci, dagsettum frá byrjun febrúar 2020 til maí 2020. Tölvubréfin sýna og sanna, að Dr. Fauci hefur ekki farið með sannleikann. Útvarp Saga birtir hér 24 hápunkta úr þessum tölvubréfum sem við fengum aðsenda frá árvökulum hlustendum stöðvarinnar og þökkum fyrir sendinguna.
24 sannanir fyrir hlutdeild Dr. Fauci í að breiða út leðurblökukenninguna og reyna að koma í veg fyrir rannsóknastofukenninguna
Febrúar
- 5.- 6. febrúar 2020 – Fauci bað um að fá að tilnefna einstaklinga í WHO-hópinn með hið víðtæka verkefni að „skoða uppruna og þróun 2019n-CoV.“ Fauci reyndi að endurskipuleggja verkefnið á þann hátt, að það myndi aðeins rannsaka uppruna veirunnar í náttúrunni en ekki á rannsóknarstofu.
- 7. febrúar 2020 – Fauci, sem er og hefur verið forsöðumaður Veiru- og smitsjúkdómastofnunar Bandaríkjanna NIAID til fjölda ára, sendi vangaveltur innan stofnunarinnar um að ólíklegt væri að SARS-CoV-2 veiran ætti upptök sín á blautum markaði.
- 16. febrúar 2020 – Fauci segir blaðamanni CBS, að ef dánartíðni reynist vera 0,2% til 0,4%, þá eigi að meðhöndla SARS-CoV-2 eins og alvarlega árstíðabundna flensu. Þegar dánartíðni var síðar staðfest á bilinu 0,2% til 0,4%, þá hélt Fauci áfram að láta eins og veiran væri miklu hættulegri.
- 17. febrúar 2020 – Fauci fær tölvubréf frá kínverskum námsmanni í Bandaríkjunum, sem hefur eftir tengiliðum sínum m.a. hjúkrunarkonu sem starfar á sjúkrahúsi í Wuhan sjúkrahúsi, að veiran er miklu útbreiddari og hefur valdið mun fleiri dauðsföllum en yfirvöld Kína viðurkenna.
- 21. febrúar 2020 – Fauci biður aðstoðarframkvæmdastjóra NIAID um að „vinsamlega meðhöndla“ tölvubréf frá hópi lækna og vísindamanna, þar á meðal veirufræðings, sem lýsir yfir „að það sé mögulegt, að veiran komi frá rannsóknarstofu í Wuhan.“
- 23. febrúar 2020 – Fauci segir að „Smit berst örugglega með öndunardropum“ og að „Börn hafa mjög lágt smithlutfall.“
- 22. febrúar 2020 – Fauci staðfestir að „Mikill meirihluti fólks utan Kína þarf ekki að vera með grímu. Gríma er heppilegri fyrir þá sem er smitaðir en fólk sem reynir að verja sig gegn smiti. “
- 27. febrúar 2020 – Fauci biður leikkonuna Morgan Fairchild að undirbúa fylgjendur sína fyrir „félagslega fjarlægð, fjarvinnu, tímabundnar lokunir skóla o.s.frv.“
- 28. febrúar 2020 – Fauci er ekki viss um hvaða dýr þjónaði sem milliliður fyrir SARS-CoV-2 frá leðurblökum yfir í menn og endurtekur, að veiran sé stökk frá leðurblökum eftir eðlilegum leiðum í stað þess að vera manngerð.
- 28. febrúar 2020 – Fauci veitir Mark Zuckerberg persónulega uppfærslu varðandi þróun COVID-19 bóluefna og sagði Zuckerberg að „Við gætum þurft að fá aðstoð með fjármagn“ og ef þróuninni seinkar „mun ég hafa samband við þig.“
Mars
- 1. mars 2020 – Aðalfréttaritari CBS, sem vill þóknast Fauci, sendir Fauci tölvubréf með hlekk, sem virðist endurtaka það sem Fauci hefur áður skrifað honum t.d. „að andlitsgrímur geti veitt smá vernd með því að fanga upp dropa sem innihalda veiruna en veiran er svo lítil, að hún getur farið í gegnum eða fram hjá grímunni.“ Einnig er veirunni lýst sem „stökki frá dýrum til fólks.“ Fauci svarar „Framúrskarandi !!“ greinilega afar ánægður með að CBS styðji frásögn Fauci um að veiran sé eðlilegt stökk frá leðurblökum yfir í fólk.
- 1. mars 2020 – Þrátt fyrir fréttir fjölmiðla um annað gerir Fauci það ljóst, að Hvíta húsinu hefur ekki sett munnkefli á sig.
- 16. mars 2020 – Fauci er spurður „Í ljósi hlutfallslegs öryggis allra nema þeirra aldraðra og þeirra með vanbúið ónæmiskerfi, sem eru mun færri en aðrir íbúar, af hverju ekki að setja þá í sóttkví?“ Svar Fauci var „Fylgist með.“
- 17. mars 2020 – Daginn eftir virðist Fauci ekki ætla að breyta því markmiði sínu, að allir – jafnvel heilbrigt fólk verði að láta af borgaralegu frelsi og vera áfram fangar á heimilum sínum sem endurspeglast í tölvubréfum á milli Fauci og Mark Zuckerberg. Í tölvubréfunum ræða Facui og Zuckerberg um að samræma viðleitni til að fá fólk til að fara eftir skilaboðum Fauci t.d. að halda félagslega fjarlægð .
- 31. mars 2020 – Fauci fær yfirlit um rannsóknirnar á árangri þess að bera grímur til að koma í veg fyrir smitun og niðurstaðan var þessi „Niðurstaða: almennt er ekki munur á ILI / URI / eða flensuhlutfalli þegar grímur eru notaðar. “
Apríl
- 2. apríl 2020 – Fauci og Bill Gates eiga símtal þar sem þeir samþykktu „samvinnu og samverkandi nálgun við COVID-19 af hálfu Veirustofnunarinnar og Lýðheilsunnar ásamt stofnunar Bill og Melinda Gates.“ Einn einkaaðili, Bill Gates og stofnun Bill and Melinda Gates fá gríðarleg áhrif á bak við tjöldin á ákvarðanir, sem teknar eru um skerðingu borgaralegra réttinda í Bandaríkjunum á meðan heimsfaraldurinn stendur yfir.
- 8. apríl 2020 – Fauci hafnar flestöllum símtölum nema símtali við forstjóra lyfjarisans Lilly.
- 11. apríl 2020 – Þó að Fauci segist hafa lítinn tíma fyrir annað en að sinna baráttunni gegn veirunni, þá hefur hann nægan tíma til að leika í mynd um sjálfan sig í „kvikmynd sem mun fagna mikilvægi lífs þíns [Faucis], vísinda og lýðheilsu.“
- 12. apríl 2020 – Fauci skrifar „Margar sýnatökur fram að þessu eru rangar og VILLANDI.“
- 16. apríl 2020 – Fauci ráðleggur, að það eigi að vera „í sjálfsvald sett“ að nota grímur jafnvel innan heilbrigðisþjónustunnar.
- 20. apríl 2020- Blaðamaður Washington Post hefur samband við Katie Miller hjá Veirustofnun Bandaríkjanna til þess að fá eintak af grein Fauci, þar sem hann fullyrðir að veiran sé náttúruleg og ekki þróuð á rannsóknarstofu. Fauci, sem segist fá 1.000 eða 2.000 tölvubréf daglega og hafi aðeins tíma til að svara örfáum bréfum sendi sjálfur svarið til blaðamannsins með umbeðinni grein.
- 22. apríl 2020 – fulltrúi vísindaakademíunnar staðfestir við Dr. Francis Collins, yfirmann bandarísku Lýðheilsunnar, að „WHO, Gates stofnunin og framkvæmdastjórn ESB hafa verið leiðandi og skipulagt alþjóðlegt samhæfingarátak til að flýta fyrir bóluefnum, greiningum og lækningum.“ Fauci útskýrði í tölvubréfi „Við höfum Gates-fulltrúa í vinnuhópunum okkar.“
- 27. apríl 2020 – Fauci fær skýrslu frá yfirmanni veirusýkingardeildar Lýðheilsunnar Dr. Paolo Lussa, um að „þeir hafi meðhöndlað fyrsta hóp fimm sjúklinga með nýrri öflugri meðferð (Tirofiban / Aggrastat) sem leiddi til þess innan tveggja klukkustunda, að sjúklingarnir gátu hætt í öndunarvélum á leið í fullan bata.“ Svar Fauci við þessum ótrúlegu fréttum sýndi engan sérstakan áhuga: „Takk, Paolo.“
Maí
- 1. maí 2020 – Fauci viðurkennir í einkapósti: „Þú hefur rétt fyrir þér að það er nýleg tilhneiging að nota aðeins öndunarvélar sem allra síðasta úrræði, þar sem súrefnismagn frekar en loftræsting er lykillinn að bata.“