TRUMP: Kína kaupir fjöregg Bandaríkjanna, tækni, matarbirgðir, landssvæði, málma, náttúruauðævi, hafnir, gámasvæði og orkufyrirtæki með aðstoð glæpafjölskyldu Biden

Kínverjar mokuðu tugum milljóna dollara í Pinn Biden Center, þar sem fundist hafa leyniskjöl um innviði Bandaríkjanna. Margir sjá beint samband á milli innihalds skjalanna og greiðslna til Biden frá Kína (mynd tekin þegar Biden heimsótti Xi Jingping sem varaforseti Bandaríkjanna).

Trump forseti varar við því, að Kína sé að lauma sér inn í Bandaríkin á sama tíma og háleynileg skjöl finnast hjá Biden í kínverska hreiðrinu Penn Biden Center. Trump sendi viðvörun á myndbandi (sjá hér að neðan) um að Kína fái njóti aðstoðar spilltra stjórnmálamanna eins og Bidens. Hann varar landsmenn sína við, að þeir ættu að hafa miklar áhyggjur af aðgerðum Kína í Bandaríkjunum.

Donald Trump forseti segir, að ef hann endurheimti Hvíta húsið, þá muni hann banna kínverskum ríkisborgurum að kaupa bandarískt ræktað land eða eiga fjarskipta-, orku-, tækni- og lækningafyrirtæki:

„Þegar ég verð forseti mun ég tryggja, að framtíð Bandaríkjanna verði áfram í höndum Bandaríkjanna, ekki í Kína. Við þurfum að setja framsæknar nýjar takmarkanir á eignarhald Kínverja á öllum mikilvægum innviðum í Bandaríkjunum, þar á meðal orku, tækni, fjarskiptum, ræktuðu landi, náttúruauðlindum, lækningabirgðum og öðrum þýðingarmiklum þjóðareignum.“

Ný mynd um öryggisgalla raforkukerfis Bandaríkjanna vegna uppkaupa Kínverja

Frank Gaffney (sjá myndband neðar á síðunni) tók upp þessi skilaboð frá forsetanum nýlega:

Í þessari viku flutti Donald Trump þriggja mínútna myndbandsupptöku um þá ógn sem okkur stafar af kaupum og áhrifum af aðgerðum kínverskra kommúnista gegn landinu okkar. Sérstaklega athyglisverð var viðvörun hans um ógnvekjandi þátttöku Kommúnistaflokks Kína í orkugeiranum okkar. Sem forseti gaf hann út tilskipun um að stöðva notkun kínversks tæknibúnaðar í rafmagnsinnviðum okkar. Á þeim tíma voru um 300 kínverskar háspennustöðvar í rafnetinu, þrátt fyrir vísbendingar um að hægt sé að „slökkva á þeim“ í mikilli fjarlægð. Joe Biden gerði þá tilskipun að engu. Og nú eru um 100 fleiri slíkir Trójuhestar í notkun hér.

Eins og tímabær ný heimildarmynd, sem heitir „Grid Down, Power Up“ og Dennis Quaid kynnir (sjá neðar á síðunni), þá er – og verður að vera – forgangsverkefni að laga þetta og aðra hrópandi veikleika rafnetsins okkar til að vinna bug á „ótakmörkuðum hernaði“ Kommúnistaflokks Kína gegn Bandaríkjunum.

Kínverjar geta slökkt á 400 háspennustöðvum í raforkuneti Bandaríkjanna

Í viðtali á milli Gaffney og Sam Faddis, fyrrverandi starfsmanns CIA, deildi Faddis:

„Þetta er mjög alvarlegur hlutur … þetta er glæpur, þetta er sennilega talsverður fjöldi glæpa. Við sendum fólk í fangelsi fyrir þetta…..Við skulum muna að við erum að tala um mann sem er klyfjaður sönnunargögnum upp að eyrum um málamiðlanir við kínverska kommúnista…Í kínverska hreiðrinu Penn Biden Center hafa fundist leyniskjöl með upplýsingum sem tekin voru þangað af manni, sem hefur tekið á móti tugum milljónum dollurum frá Kínverjum. Í mínum bókum heitir þetta njósnir.“

Faddis bendir á þá staðreynd, að núverandi utanríkisráðherra Tony Blinken hafði yfirumsjón með Biden Center áður en hann varð utanríkisráðherra. Sjá myndbandið með viðtalinu við Sam Faddis hér að neðan og þar fyrir neðan úrdrátt úr myndinni „Grid Down, Power Up“ sem sjá má í heild sinni hér.

Deila