Á ekki að geta gerst en því er spáð að tíu þúsund Bretar muni frjósa í hel í vetur
Það eru margir staðir sem eru fjarlægir í þessum heimi – Namibía til dæmis – en Evrópa er ekki einn af þeim. Evrópa er þar sem börnin voru erlendis á yngri árum. Það er þægilegt flug frá austurströnd Bandaríkjanna til nokkurn veginn hvaða staðar sem er í álfunni og það veist þú um. Þú hefur farið í frí til Evrópu eins og milljónir Bandaríkjamanna hafa gert. Þeir tala að mestu leyti ensku í Evrópu. Þeir hafa Starbucks og Taco Bell og loftkælingu og nútíma sjúkrahús. Þetta er ekki annar heimur.
Í ljósi þess hversu náskyld Bandaríkin eru Evrópu og hafa alltaf verið, er auðvelt að ímynda sér, að leiðtogar okkar tækju eftir því, þegar Evrópa fer að riðlast sundur, sérstaklega þegar merki um það voru alls ekki óljós – sem þau voru engan vegin. Í sumar hófu Þjóðverjar að höggva forna skóga til að hita upp heimili sín. Í Póllandi stóðu fjölskyldur tímum saman í biðröð til að kaupa kol, rétt eins og fyrir 150 árum síðan. Í Bretlandi spáði ríkisstjórnin því, að meira en 10.000 Bretar myndu frjósa til dauða, deyja, í vetur vegna skorts á eldsneyti til upphitunar – frjósa til dauða í Englandi! Þetta á ekki að geta gerst í fyrsta heims landi.
Rúblan sterkari en fyrir ári síðan og Evrópubúar miklu fátækari
Evrópa fer aftur á bak á ógnarhraða og ekki er ljóst hvar það endar. Spurningin er: hvers vegna er þetta að gerast? Í eitt skipti er svarið mjög einfalt: stríðið í Úkraínu. Þess vegna er þetta að gerast. Stór hluti af orku Evrópu kom frá Rússlandi. Sá innflutningur hefur nú verið bannaður, að því talið er til að refsa Vladimír Pútín. Hver er niðurstaðan af þessari refsingu? Jæja, rússneska rúblan er nú mun sterkari en hún var fyrir ári síðan. Evrópska hagkerfið er samtímis að hrynja. Evrópubúar eru miklu fátækari en þeir voru þegar stríðið í Úkraínu hófst.
Hvernig getur þetta verið sigur fyrir Evrópu, Vesturlönd og lýðræðið? Það er sanngjörn spurning. Það er augljós spurning, en enginn í Washington virðist vera að spyrja þessarar spurningar. Þess í stað er Biden-stjórnin að tvöfalda sjálfseyðingarmistökin sem eru að eyðileggja Evrópusambandið.
Hvíta húsið bannaði rússneska olíu, jarðgas og kol. Það var siðferðisleg skylda okkar. Á sama tíma rústaði Biden-stjórnin innlendri olíuframleiðslu með því að hætta við olíu- og gasleigusamninga og eins og það væri ekki nóg, þá seldi Biden-stjórnin hluta af neyðarolíuforða okkar, kannski mikilvægustu auðlind þessa lands, til Kína. Ekkert af þessu særði Pútín á neinn hátt. Allt þetta gerir Bandaríkin fátæk.
Allt stöðvast – öll landbúnaðartæki, vörubílar, lestir og ferjur
Hver gæti hugsanlega verið réttlætingin fyrir því að gera það? Við höfum velt því fyrir okkur. Allir sem fylgjast með hafa þurft að velta því fyrir sér. Jæja, í þessari viku svaraði þingmaðurinn Jamie Raskin frá Maryland þeirri spurningu. Rússland er rétttrúnaðar-kristið land með hefðbundin félagsleg gildi og þess vegna verður að eyða því, sama hvað það kostar okkur. Þetta er ekki hefðbundið stríð. Þetta er heilagt stríð „jihad.“ Jamie Raskin sagði það upphátt, en margir í Washington í báðum flokkum eru sammála honum. Þeir myndu vilja sjá tafarlausa heimsstyrjöld.
Landbúnaðarvélar munu stöðvast. Það verða engar sendingar, því það verða engir vörubílar. Það verða engar díselrafstöðvar og þá óhjákvæmilega mun hagkerfið okkar hrynja vegna þess að allt gengur fyrir díselolíu — ekki á sólarrafhlöðum, ekki á vindorkuverum, á díselolíu. Dísel er ekki vara sem samið verður um. Þú verður að hafa dísel.
Hvað mun jihad þýða fyrir þig? Smáatriðin eru töfrandi. Þökk sé trúarstríði Biden-stjórnarinnar í Úkraínu er land okkar við það að verða uppiskroppa með díselolíu. Samkvæmt upplýsingum frá Orkuupplýsingastofnuninni endist díselolía fram að mánudegi í þakkargjörðarvikunni, (það eru 25 dagar eftir). Hvað á þá að gerast? Allt mun stöðvast. Það þýðir að vörubílar og lestir og ferjur geta ekki hreyft sig.
Hvað gerist þegar við höfum það ekki? Í gær setti Jacqui Heinrich hjá Fox, að því er virðist sá eini í blaðamannasveit Hvíta hússins, einmitt þessar spurningu fyrir John Kirby, talsmann Hvíta hússins. Hvaða áætlun er í gangi hér? Við erum að verða uppiskroppa með díselolíu.
John Kirby, sem stóð við ræðupúltið fyrir hönd Hvíta hússins, forseta Bandaríkjanna, stjórnsýslunnar, stærstu stofnun mannkynssögunnar, framkvæmdavald ríkisstjórnarinnar hafði ekkert svar. En ekki hafa áhyggjur, sagði hann. Við munum flytja mikið af orku til Evrópu til að hjálpa til við að stríði þeirrar framsæknu krossferðar í Úkraínu.
Skrifaðu með stórum bókstöfum hversu hart forsetinn vinnur í málunum
JACQUI HEINRICH: Hvað er gert til að auka framboð á díselolíu í ljósi þess, að Orkustofnunin sagði 14. október, að Bandaríkin hefðu aðeins olíu í 25 daga. Nú þegar er húshitunarolía skömmtuð í norðausturhlutanum og New York. Hvað er verið að gera til að undirbúa veturinn og auka birgðir af díselolíu?
JOHN KIRBY: Ég skal svara spurningunni um díselolíuna, en ég hef ekki gögnin um málið fyrir framan mig. Svo leyfðu mér að taka spurninguna og við munum koma aftur til þín í málinu, en skrifaðu með stórum bókstöfum, að forsetinn hefur unnið mjög, mjög hörðum höndum að því að tryggja að við séum, að við erum ekki aðeins tilbúin fyrir sveiflur sem gætu komið og auðvitað eru verð að lækka og við teljum það mikilvægt, en að við gerum líka það sem við getum til að hjálpa evrópskum vinum okkar og samstarfsaðilum sem eiga líka eftir að standa frammi fyrir löngum og köldum vetri. Við höfum tvöfaldað skuldbindingu okkar, skuldbindinguna sem forsetinn gerði í mars, varðandi útflutning á jarðgasi til Evrópu. Við höfum tvöfaldað þá skuldbindingu að koma jarðgasi þangað og við erum að vinna með erlendum birgjum jarðgass og olíu til að sjá, hvort við getum ekki hjálpað evrópskum samstarfsaðilum okkar að auka fjölbreytni í eigin geymslu og birgðum.
