Saxað úr viðvörun Tucker Carlson:
„Covid-19 leiddi ekki bara til sjúkdóma, efnahagslegrar eyðileggingar, lamandi vandamála í birgðakeðjum, mannréttindabrota, tilraunabóluefna og dauða, þegar erfðabreytta veiran „slapp út“ frá veirufræðistofnuninni í Wuhan árið 2019 – það leiddi það líka til tækifæra óheiðarlegasta eðlis – sem ekki hefur sést áður – að hrifsa til sín völdin, þegar allt er í uppnámi.
Í meira en tvö ár hafa svokallaðar „lýðræðislegar“ ríkisstjórnir víðsvegar á Vesturlöndum nýtt sér heimsfaraldurinn til að traðka niður frelsi einstaklingsins og efla enn frekar völd stofnanaelítista (Fauci, Gates, o.s.frv.) með lokunum og handahófskenndum takmörkunum í nafni lýðheilsu. Og því miður tókst það. Að afturkalla skaðann af völdum Covid lýðheilsuráðstafana og draga til baka óheft vald ríkisins mun taka ár að gera – það er að segja ef okkur tekst nokkurn tíma að rétta við skútuna.
Þegar við sjáum hvernig kapalinn hefur gengið upp, þá er það engin furða, að Alþjóðaheilbrigðismálastofnunin, sem er á bandi glóbalistanna, vilji efla stöðu sína sem æðsta yfirvald í heilbrigðismálum landa um allan heim. – Hugsaðu um það, sem gerðist í heimsfaraldrinum nema núna verður lokunum og takmörkunum stjórnað af alræðis heimsstjórn í hvert skipti sem WHO lýsir yfir heimsfaraldri.
Það sem meira er, WHO fær heimild til að ákveða sjálft, hvort mál flokkist sem heimsfaraldur eða ekki. Og eins og við höfum séð undanfarin tvö ár, þá er nánast allt flokkað sem „tilvistarógn við lýðheilsu“ m.a. en ekki takmarkað við: rangar upplýsingar, foreldra sem mótmæla skólanefndum, málfrelsi og – auðvitað – rasisma. Sú staðreynd, að WHO mun hafa ótakmarkað vald til að ákveða þessar ráðstafanir, ætti að hræða alla Bandaríkjamenn.“
Tedros aðalritari WHO verður gerður að einræðisherra í heilbrigðismálum alls heimsins
Í næstu viku mun nýr einræðisarmur hinnar nýju heimsskipunar fyrir „lýðheilsu“ líklega verða að fullu starfhæfur. Biden-stjórnin hefur lagt fram röð af fyrirhuguðum breytingum á alþjóða heilbrigðisreglugerð (IHR) með „lagalega bindandi fullveldistöku“ sem verður að framfylgja í öllum 194 aðildarlöndum WHO.
Nýr „Alheimsfaraldurssáttmáli“ verður kynntur síðar í næstu viku.
Í aðdraganda þess að sáttmálinn taki gildi, þá ræddi Tucker Carlson bindandi afleiðingar hans s.l. fimmtudag og varaði við því, sem við eigum í vændum, verði sáttmálinn samþykktur.
Alheimsfaraldurssáttmálinn krefst „nálgun allra stjórnvalda og alls samfélagsins til að búa sig undir heimsfaraldur“ sem þýðir, að WHO hefur „fullkomna stjórn á heilbrigðismálum landanna allan tímann.“ Tedros aðalritari WHO verður gerður að heilbrigðiseinræðisherra alls heimsins.
Sjá má og heyra afstöðu Tucker Carlson á myndbandinu hér að neðan: