Á Covid-ráðstefnunni í Brussel í þingsölum ESB-þingsins í júlí var afbragðs fólk mætt í boði nokkurra ESB-þingmanna sem berjast fyrir frelsi meðborgaranna og gegn einræði og harðstjórn.
Doktor Meryl Nass er bandarískur læknir með sérfræðiþekkingu á miltisbrandi og lífrænum hryðjuverkum. Hún hefur sérfræðiþekkingu á greiningu lífvopna frá náttúrulegum veirum og hefur haldið marga fyrirlestra um öryggisvanda bóluefna. Hún er framarlega í baráttunni gegn samstarfi spilltra stjórnmálamanna og lyfjarisa.
Ná völdum með því að tengja saman allt vistkerfið við heilsufar
Doktor Meryl Nass var mætt til að fjalla um nýjan farsóttarsáttmála WHO og breytingar á alþjóðlegri reglugerð um heilbrigðismál, sem gefa Alþjóðaheilbrigðisstofnuninni alræðisvald yfir ríkjum heims á heilbrigðissviðinu. En það hangir meira á spýtunni. Með því að tengja saman loftslag, dýr, plöntur, vatns- og vistkerfi saman í miðlægt heilsufar, þá fær WHO í raun alræðisvald yfir öllum þáttum mannlífs jarðarbúa. Og það er einmitt markmiðið: valdarán til að ná stjórn á ríkjum heims.
Hlýðið á útskýringu Meryl Nass á valdaráni WHO
Doktor Meryl Nass útskýrir hvernig fyrirhugaður heimsfaraldurssáttmáli Alþjóðaheilbrigðismálastofnunarinnar mun gera WHO kleift að taka yfir heiminn:
„WHO getur tekið yfir lögsögu alls heimsins með því að segja, að loftslagsbreytingar, dýr, plöntur, vatns- og vistkerfi séu öll miðlægt heilsufar. Auk þess mun WHO afnema mannréttindavernd, framfylgja ritskoðun, koma á stafrænum vegabréfum, krefjast þess að stjórnvöld setji fram eina opinbera frásögn sem gerir WHO kleift að lýsa yfir faröldrum á færibandi. Við erum að ganga í gegnum mjúkt valdarán… undir yfirskini viðbúnaðar heimsfaraldurs og líföryggisáætlunarinnar.“
Hér að neðan er stutt myndskeið með framsögu doktor Meryl Nass og þar fyrir neðan myndskeið með fundinum (um 4,5 klst).