Valdaelítan á Vesturlöndum er svo brjáluð og hættuleg heiminum, að það ætti að „setja hana á geðveikrahæli“ segir Rick Wiles hjá Christian hjá TruNews á myndbandi sem farið hefur víða um heiminn (sjá neðar á síðunni). Segir á myndbandinu að valdamenn eigi heima á „geðveikrahæli“ og gætu þar farið í stjórnunarleiki og þóttst ráða yfir heiminum.
Hinn umdeildi kristni blaðamaður og þáttastjórnandi Rick Wiles hjá TruNews segir, að Vesturlöndum sé stjórnað af heimsins stærstu fávitum. Wiles hefur verið sakaður um „íslamafóbíu“ og „samsæriskenningar.“ Hann segir Covid bóluefnin vera „alþjóðlegt fjöldamorð“ og Barack Obama „æðsta heilagastríðsmanninn.“ Fyrir nokkrum árum sagði Wiles:
„Barack Obama hefur eitrað bandaríska samfélagið. Við höfðum ekki svona kynþáttahatur fyrir tíð Obama. Ég hef aldrei á ævinni séð svona kynþáttahatur. Aldrei. Hann eitraði samfélagið og gerði það viljandi til að hefja borgarastyrjöld. Hann er ekkert annað en ódæðismaður á launaskrá.“
Aldrei verið jafn margir geðsjúklingar við völd
Þegar á síðasta ári sakaði hann Nató/Bandaríkin um að hafa gert loftárásir á Nord Stream (sjá myndband að neðan). „Þeir eru þeir einu sem hagnast á þessu.“
„Vesturlöndum er stjórnað af fávitum. Algjörum fávitum. Ég hef aldrei séð jafn marga pólitíska fávita og geðveikt fólk við völd á ævinni. Það er ótrúlegt að sjá. Þeir lögleiða dýraníð og hefja þriðju heimsstyrjöldina. Þeir eru hættulegir samfélaginu. Þeir ættu að vera stofnanamatur. Það ætti að koma þeim fyrir á geðveikrahælum.“
Leyfum þeim að leika sér á geðveikrahælinu
„Leyfum þeim að búa til alþingi á þessum geðveikrahælum. Gefum þeim leikföng og þeir geta látið eins og þeir stjórni Twitter og svoleiðis. Látum þá halda, að þeir séu stjórnendur. Þeir geta þá þaggað þar niður í hverjum sem er. Leikið sér á geðveikrahælinu og verið eins brjálaðir og þeir geta orðið.“
Á TikTok hefur yfir 50 þúsund líkað við myndbandið. „Vel að orði komist. 100 prósent sammála“ skrifar einn notandinn. „Þetta er alveg rétt hjá honum. Hvenær lýkur þessu?“ skrifar annar.
