Vigano erkibiskup deilir boðskap sínum með læknum sem kalla á alþjóða COVID-siðferði eftir martröðina 2020

Carlo Maria Vigano erkibiskup deildi bréfi sínu með The Gateway Pundit til lækna, sem kalla eftir COVID-siðferði eftir martröðina 2020 sem leiddi til eyðileggingar mannslífs og mannréttinda. Lesa má bréfið í heild á ensku neðar á síðunni.

MD4CE International er alþjóðlegur hópur lækna, vísindamanna, lögfræðinga, blaðamanna, hagfræðinga, sagnfræðinga, stjórnmálamanna, heimspekinga, gagnafræðinga, bankamanna, her-/leyniþjónustusérfræðinga og annarra frá öllum heimshornum, sem vinna einbeitt saman að því að afhjúpa hinn hræðilega sannleika um hvað hefur gerst á undanförnum þremur árum gagnvart fólkinu í heiminum, fjölskyldum þeirra, samfélögum þeirra, löndum þeirra og að draga þá, sem bera ábyrgð á stóru glæpunum sem framdir hafa verið, á réttan hátt til ábyrgðar.

„Medical Doctors for Covid Ethics International“ MD4CE, eru þakklátir hans hátign, Carlo Maria Vigano erkibiskupi, fyrir að tala við okkur og deila hugsunum sínum um núverandi heimskreppu, sem hófst með sviksamlega tilbúnu neyðarástandi Covid-19 heimsfaraldursins, studd af og haldið uppi með vondri sálfræðilegri hernaðaraðgerð, fullkomnuð með skammarlausri notkun á hræðslu- og skammaráróðri, sem var hleypt af stokkunum á samræmdan hátt á grunlausa íbúa alls heimsins af eigin ríkisstjórnum þeirra snemma árs 2020 með fyrirsjáanlegum hörmulegum afleiðingum.“

Glæpsamleg áætlun að baki covid-heimsfaraldrinum

Hans hátign erkibiskup Carlo Maria Vigano er fyrrverandi postullegur nuncio í Bandaríkjunum (19. október 2011 til 12. apríl 2016). Vigano erkibiskup byrjar á því að þakka læknunum fyrir hugrekki þeirra við að tala gegn sálfræði-ofsaáróðri heimsfaraldursins. Saxað úr bréfi erkibiskupsins í lausri þýðingu:

„…skuldbinding ykkar til að berjast gegn móðursýkisáróðrinum er lofsverð. Ég geri mér vel grein fyrir þeim erfiðleikum, sem þið hafið þurft að glíma við, til að vera staðfastir á meginreglum ykkar og ég vona, að hægt verði að bæta með fullnægjandi hætti það tjón sem þið hafið orðið fyrir af þeim sem hafa mismunað ykkur, svipt ykkur vinnu og launum og stimplað ykkur sem hættulega andstæðinga bólusetninga.“

„Ég er ánægður að geta talað og deilt með ykkur hugsunum mínum um núverandi heimskreppu. Kreppu sem við getum sagt að hafi byrjað með neyðarástandi heimsfaraldursins en við vitum að hefur verið skipulögð af þekktum einstaklingum í mjög sérstökum tilgangi í áratugi. Að hætta eftir heimsfaraldurinn í sjálfu sér væri í raun alvarleg mistök, því það myndi ekki gera okkur kleift að íhuga atburðina í fullu samræmi og innbyrðis tengingu og þannig koma í veg fyrir, að við skiljum þá og framar öllu að bera kennsl á glæpaáætlanirnar að baki þeim.“

Klaus Schwab hótar leiðtogum tuttugu iðnvæddustu ríkja heims: „Fylgið Endurræsingunni miklu eða…..“

Vigano ræddi einnig um Klaus Schwab frá World Economic Forum sem nýlega tók þátt í G20 fundinum:

„…Klaus Schwab sagði: „Í fjórðu iðnbyltingunni munu sigurvegararnir taka allt saman, þannig að ef þú ert fyrsti flutningsmaður World Economic Forum, þá ertu sigurvegari.“ Þessar mjög alvarlegu staðhæfingar hafa tvennt í för með sér: Í fyrsta lagi „sigurvegararnir munu taka þetta allt“ og verða „sigurvegarar“ – það er ekki ljóst með hvaða getu og í leyfi hverra. Annað er, að þeir sem aðlagast ekki þessari „fjórðu iðnbyltingu“ munu finna sjálfa sig útskúfaða og munu tapa – þeir munu missa allt, þar með talið frelsi sítt. Í stuttu máli þá er Klaus Schwab að hóta leiðtogum ríkisstjórna tuttugu iðnvæddustu ríkja heims, að framfylgja áætlun Endurstillingar Miklu í þjóðum sínum. Þetta fer langt út fyrir heimsfaraldurinn: þetta er alheims valdarán og gegn því er nauðsynlegt að fólk rísi upp og að stofnanir ríkja, sem enn eru heilbrigðar, hefji alþjóðlegt réttarfarsferli. Ógnin er yfirvofandi og alvarleg, þar sem World Economic Forum er fært um að framkvæma undirróðursverkefni sitt og þeir, sem stjórna þjóðunum, hafa allir orðið annaðhvort þrælar eða kúgaðir af þessari alþjóða mafíu.“

Lesa má allt bréfið á ensku hér að neðan.

Deila