Vigano erkibiskup segir tíma kominn til að gera glóbalistana ábyrga á glæpum sínum

Carlo Maria Vigano erkibiskup sendi The Gateway Pundit, Tucker Carlson og Bandaríkjunum skilaboð um veraldlega ríkið og umhverfiskirkju, sem hafa þjónað því markmiði að eyðileggja nærveru kaþólskra trúarbragða í samfélaginu og skipta henni út fyrir djöfullega heiðni hins nýja heimsskipulags „New World Order“ NWO.

Carlo Maria Viganon erkibiskup deildi með okkur öllum myndbandi og texta, þar sem hann tjáir sig um nýlegan pistil Tucker Carlson um umhverfiskirkjuna. Hann segir að sjónarhorn Tuckers sé mjög áhugavert og eigi skilið að vera notað til að sýna fram á hvernig veraldlega ríkið hefur þjónað því að eyðileggja nærveru kaþólskra trúarbragða í samfélaginu og skipta henni út fyrir djöfullega heiðni hins nýja heimsskipulags NWO. Segir hann:

„Við verðum að halda áfram sameiginlegri viðleitni okkar til að fordæma opinberlega og af einurð valdarán glóbalíska sértrúarsafnaðarins, því líf okkar sjálfra er í húfi. Guð blessi ykkur öll og verndi.“

Demókrataflokkurinn hefur þröngvað glóbalískum sértrúarsöfnuði upp á þjóðina

Vigano erkibiskup byrjar boðskap sinn á eftirfarandi hátt:

– Í áhugaverðu viðtali á Fox News undir fyrirsögninni Kirkja umhverfisstefnunnar (sjá neðar á síðunni) hefur blaðamaðurinn Tucker Carlson dregið fram í dagsljósið mótsögn sem kann að hafa farið fram hjá mörgum en sem ég tel mjög afhjúpandi.

– Carlson minnir á, að bandaríska stjórnarskráin bannar hvers kyns ríkistrú en um nokkurt skeið hefur stjórnarflokkur demókrata þröngvað glóbalískum sértrúarsöfnuði upp á bandarísku þjóðina með grænni stefnu sinni, rétttrúnaðar trúarbrögðum sínum, fordæmingum sínum og aflýsingarmenningu, prestum Alþjóðaheilbrigðismálastofnunarinnar, spámönnum World Economic Forum. Trúarbrögð í hvívetna, alltumlykjandi, ekki aðeins fyrir líf einstaklinganna sem iðka hana, heldur líka í lífi þjóðarinnar sem játar hana opinberlega, aðlagar lög og setningar að henni og hvetur til menntunar og allra stjórnvalda í kringum hana.

Kominn tími til að reka glóbalistana úr stöðum sínum og kalla til ábyrgðar á svikum sínum

– Í nafni glóbalistatrúar krefjast fylgismenn hennar að allir borgarar hegði sér í samræmi við siðferði hinnar nýju heimsreglu, taki gagnrýnislaust – og með afstöðu guðræknilegrar undirgefni við trúarlegt vald, þá kenningu, sem æðstaráðið Davos skilgreinir fram hjá dómkirkjunni…

…Í alltof langan tíma hafa borgarar og trúaðir mátt aðgerðalausir þola ákvarðanir stjórnmála- og trúarleiðtoga sinna í ljósi sannana um svik þeirra. Virðing fyrir valdinu byggist á viðurkenningu á „guðfræðilegri“ staðreynd, það er að segja drottinvald Jesú Krists yfir einstaklingum, þjóðum og kirkjunni. Ef valdhafar ríkis og kirkju vinna gegn íbúunum og þeim trúuðu, þá verður áhrifamætti þeirra rænt og vald þeirra ógilt. Gleymum því ekki, að ráðamenn eru ekki eigendur ríkisins og herrar borgaranna, rétt eins og páfinn og biskuparnir eru ekki eigendur kirkjunnar og herrar hinna trúuðu. Ef þeir vilja ekki vera okkur eins og feður; ef þeir vilja ekki okkur vel heldur gera í raun allt til að spilla okkur á líkama og sál, þá er kominn tími til að reka þá úr stöðum sínum og kalla þá til ábyrgðar fyrir svik sín, glæpi og hneykslislegar lygar.

Hér að neðan er boðskapur hans og fyrir neðan það er boðskapur hans í heild sinni á prenti.

Deila þessari frétt á samfélagsmiðla

Deila