Af leiðtogum Evrópu er það aðeins Ungverjinn Viktor Orbán sem lítur raunsætt á átökin í Úkraínu. Þetta segir hinn heimsfrægi prófessor Jeffrey Sachs.
Það er í viðtali við stærsta dagblað Ungverjalands, Magyar Nemzet, sem bandaríski hagfræðiprófessorinn Jeffrey Sachs hrósar stöðu landsins í Úkraínustríðinu. Að sögn Sachs er Viktor Orbán, forsætisráðherra Ungverjalands, eini leiðtogi Evrópu sem „lítur raunsætt á ástandið í Úkraínu.“
Óeðlileg hernaðarútþensla Vesturlanda
Hann bendir á, að auðveldlega hefði mátt komast hjá hinu hrikalega stríði, ef ekki hefði verið vegna óeðlilegrar hernaðarútþenslu Vesturlanda. Hann segir við Magyar Nemzet:
„Það er enginn vafi á því, að hægt hefði verið að komast hjá stríðinu. Bandarískir stjórnarerindrekar frá og með Bill Clinton vöruðu sífellt núverandi forseta við hættunni af stækkun Nató sérstaklega í tilfelli Úkraínu og Georgíu.“
Vildu ekki virða þjóðaröryggi Rússlands
Samkvæmt Jeffrey Sachs reyndu rússnesk stjórnvöld í desember 2021 að forðast stríð með því að leggja fram tillögu að bandarískum og rússneskum sáttmála um öryggisábyrgð, þar sem áherslan var einmitt á stækkun Nató til austurs. Rússar vildu einfaldlega, að Bandaríkin virtu þjóðaröryggi Rússlands. Hins vegar vildu Bandaríkin ekki vita af tillögunni.
Jeffrey Sachs heldur því einnig fram, að Jens Stoltenberg, aðalritari Nató, hafi verið aðaldrifkrafturinn í stækkun Nató ásamt Bretlandi – sem af sögulegum ástæðum er mjög fjandsamlegt Rússlandi – og nýíhaldsmönnum í Bandaríkjunum. Vitað var að Rússar myndu aldrei sætta sig við þessa stækkun Nató.
Úkraína langstærsti ósigurvegarinn
Langtímafriður, sem myndi í raun gagnast öllum aðilum, má byggja á sex meginreglum, telur prófessorinn. Þar á meðal að Nató stækki ekki hernaðarbandalagið til Úkraínu og Georgíu. Í raun og veru er Úkraína nú orðin langstærsti ósigurvegari átakanna, að mati Sachs. Bandaríkin gera allt til að varðveita heimsveldi sitt. En það er til einskis, að sögn Sachs. Flest ríki heims kaupa ekki frásögn Vesturlanda um Úkraínu, bendir ungverska dagblaðið á. Jeffrey Sachs segir:
„Alþjóðlega kerfið hefur þegar breyst í margpóla en bandarískir stjórnmálamenn skilja það ekki. Þeir eru fastir í hugsunarhætti og heimsmynd sem hefur verið úrelt í að minnsta kosti þrjátíu ár. Bandaríkin ættu þess í stað að sætta sig við fjölpóla heim. Rússar verða alla vega ekki varanlegur óvinur, þótt það kunni að líta þannig út í dag.“
