Hópur Sænskra lækna vill að notkun bóluefnis Pfizer í Svíþjóð verði stöðvuð vegna upplýsinga um að lyfjarisinn hefði mögulega svindlað í þriðja fasa rannsókna á bóluefninu. Þetta var meðal þess sem fram kom í máli Gústafs Skúlasonar fréttamanns í Stokkhólmi í þættinum Heimsmálin, fréttir og fréttatengt efni af erlendum vettvangi í dag en hann var viðmælandi Arnþrúðar Karlsdóttur.
Það var British medical journal (BMJ) sem upplýsti fyrst um mögulegt svindl lyfjarisans í prófununum og varp fréttin þess valdandi að traust á fyrirtækinu hrapaði og hlutabréf þess í samræmi við það eða um heil 20%.
Heimildamaður BMJ er úr innsta hring Pfizer og heitir Book Jackson en hún segir að hún og fleiri starfsmenn sem hafi gert gæðaprófanir á bóluefninu hafi verið afar slegnir þegar gallar þess hafi komið í ljós og segir að mikill misbrestur hafi verið á vinnubrögðum lyfjarisans við prófanirnar.
Meðal annars hafi fyrirtækið falsað mikilvægar tölur, ráðið inn ómenntað starfsfólk í störf sem krefjist menntunar og komið í veg fyrir að skýrslur um aukaverkanir birtust á réttum tíma.
Að undanförnu hefur hvert hneykslismálið á fætur öðru komið upp hjá fyrirtækinu og nú situr fyrirtækið einnig undir ámælum fyrir að reynt að telja börnum trú um að þau gætu öðlast ofurkrafta myndu þau þiggja bólusetningu með bóluefni fyrirtækisins.
Hlusta má á þáttinn í spilaranum hér að neðan
Leiðrétting frá Gústaf Skúlasyni:
Í fréttaþættinum Heimsmálin 8. nóvember mismælti ég mig varðandi hækkun á rafmagnsverði hjá Íslending í Suður-Svíþjóð sem fékk rafmagnsverðið þrefaldað á einni nóttu. Ég sagði að verðið hafði hækkað 30% sem er rangt. Hið rétta er að rafmagnsverðið þrefaldaðist.
Þetta leiðréttist hér með.
Gústaf Skúlason
