Vísindamenn sem fremst hafa staðið í að vekja athygli á hnattrænni hlýnun eru á villigötum þegar kemur að vísindalegum athugunum á málefninu. Þetta var meðal þess sem fram kom í máli Leifs Árnasoar flugstjóra í síðdegisútvarpinu í dag en hann var gestur Hauks Haukssonar.
Leifur bendir á að umræddir vísindamenn syngi sama sönginn allir í kór í stað þess temja sér gagnrýna hugsun og að reyna að hrekja kenningar um hnattræna hlýnun.
Í þættinum ræddi Leifur einnig um hvernig áróður um ýmis umdeild mál í heiminum, meðal annars loftslagsmálum er rekinn áfram með falsfréttum. Leifur segir að það sé sín skoðun að svo mikið sé um falsfréttir í umferð að best sé að gera einfaldlega ráð fyrir að hver einasta frétt sé falsfrétt þar til maður hafi greint hana nánar.
Þá séu hagsmunaaðilar sem reki mikinn áróður til dæmis þegar kemur að bólusetningum gegn Covid. Fjársterkir lyfjarisar beiti þar völdum sínum til þess að koma út bóluefnum í massavís og þeir sem reyni að sporna við áróðrinum séu teknir fyrir og rakkaðir í svaðið.
Hlusta má á viðtalið í spilaranum hér að neðan
