Þegar Omicron dugir ekki lengur, þá kemur nýja, smitsamara afbrigðið XE
Samkvæmt nýjustu skýrslu Alþjóðaheilbrigðismálastofnunarinnar WHO, þá hefur nýtt Covid-19 afbrigði, raðbrigði af BA.1 og BA.2 Omicron stofnum, fundist í Bretlandi.
Nýja afbrigðið sem kallast „XE“ og greindist fyrst í Bretlandi 19. janúar:
„XE afbrigðið greindist fyrst í Bretlandi 19. janúar og yfir 600 tilfelli hafa verið tilkynnt og staðfest síðan“ segir WHO í vikulegri faraldurskýrslu sinni í síðasta mánuði:
„XE tilheyrir Omicron afbrigðinu þar til greint verður frá verulegum mun á smit- og sjúkdómseinkennum og hættustigi. WHO heldur áfram að fylgjast náið með og meta lýðheilsuáhættuna, sem tengist raðafbrigðum, ásamt öðrum SARS-CoV-2 afbrigðum og mun koma með upplýsingar, þegar frekari vísbendingar verða tiltækar.“
Ekki bara XE heldur líka XD og XF
Heilbrigðisöryggisstofnun Bretlands segist fylgjast með XE ásamt öðrum tveimur öðrum nýjum Covid-19 afbrigðum, XD og XF.
Það eru í raun þrjú ný afbrigði sem hafa fengið nöfn. Samkvæmt nýútkominni skýrslu frá bresku heilbrigðisstofnuninni eru þau tvö, sem kallast XD og XF, samsetningar af Delta og BA.1 eða svokölluðum „Deltacron“ stofnum, sem hefur verið talað um í marga mánuði án þess að merki um útbreiðslu hafi orðið vart í neinu landi.
XD er til í nokkrum Evrópulöndum en hefur ekki fundist í Bretlandi skv. skýrslunni. XF olli litlum klasa í Bretlandi en hefur ekki greinst þar síðan 15. febrúar. Afbrigðið sem veldur meiri áhyggjum, að því er virðist, er það sem kallað er XE.
Eins og hin tvö afbrigðin er XE raðbrigðastofn, sem þýðir að það er gert úr tveimur áður raðgreindum afbrigðum. En það er ekki Deltacron blanda. XE samanstendur í raun af upprunalega Omicron (BA.1) og nýrri Omicron (BA.2) sem hefur þróast í Bandaríkjunum.
XE talið 43% smitsamara en Omicron
Kynningarfundur frá bresku heilbrigðisstofnuninni í síðustu viku styður nokkrar af fullyrðingum WHO skýrslunnar og hvetur til varúðar að draga of fljótar ályktanir. Einn munurinn á þessum tveimur skýrslum er að WHO gögnin og greining virðast vera nýlegri.
Svo það sé á hreinu þá stendur XE aðeins fyrir örlítið brot af smitum í öllum heiminum. Það gæti breyst, í ljósi þess að XE er talið vera um 10% smitsamara en BA.2 sem þegar er meira smitandi. Það þýðir að það gæti verið um það bil 43% smitsamara en upprunalega Omicron sem herjaði á plánetunni síðasta vetur.
Lesið meira hér.
