John Hopkins Miðstöð fyrir heilbrigðisöryggi tók þátt í samstarfi WHO við stofnun Bill og Melinda Gates til að æfa hörmulega smitútbreiðslu „Catastrophic Contagion“ þar sem líkt er eftir heimsfaraldri veiru sem drepur fleiri en kórónuveiran og er sérstaklega hættuleg börnum. Bill Gates var viðstaddur. Hópurinn æfði hina „hörmulega smitútbreiðslu“ í Brussel, Belgíu 23. október 2022. Æfingin var um skáldaðan „alvarlegan veirufaraldur með öndunarheilkenni“ með uppruna í Brasilíu sem dreifist út um allan heim.
Samkvæmt RXList samanstanda garnaveirur, þar á meðal lifrarbólga A og lömunarveiki, úr RNA, sem kemst inn í líkamann í gegnum meltingarveginn og ræðst á taugakerfið. Eftirlíking heimsfaraldursins innihélt einnig fyrirfram uppteknar fréttaútsendingar og beinar tilkynningar frá heilbrigðisyfirvöldum. Þetta er svipað og fyrri æfing með upphugsaðan covid-heimsfaraldur áður en covid sá dagsins ljós.
Áróður um að afhenda heilbrigðisfullveldið til WHO
Jeanne Meserve hjá GNN, skálduðum fréttamiðli, sést á myndefni meðan á uppgerða heimsfaraldrinum stendur og tilkynnir háar tölur látinna sérstaklega meðal barna, vegna heimsfaraldurs sem hefði verið hægt að koma í veg fyrir „ef löndin hefðu samþykkt aðgerðaáætlun um heimsfaraldra og fylgt leiðbeiningum WHO.“ Meserve segir (sjá einnig myndband neðar á síðunni):
„Frá og með deginum í dag er áætlaður um einn milljarður tilfella um allan heim með meira en 20 milljón dauðsföllum, þar á meðal næstum 15 milljónir barna. Óteljandi milljónir eru á lífi en lamaðir eða með heilaskaða.“
„Árangursríkustu löndin eru þau, sem hafa fjárfest í viðbúnaði og æft fyrir þessa stund í mörg ár fyrirfram. Höfðu viðbúnað og viðbragðsteymi í fullu starfi við heimsfaraldur, þar sem nákvæmri viðbúnaðaráætlun var fylgt sem reglulega hafði verið æfð. Ef fleiri lönd hefðu verið með og farið eftir leiðbeiningunum, þá hefði tollurinn verið mun minni.“
Sama fólkið æfði „covid-heimsfaraldur“ nokkrum mánuðum áður en covid-19 braust út
Bill Gates og háttsettir lýðheilsufulltrúar frá Angóla, Þýskalandi, Indlandi, Líberíu, Nígeríu og Rúanda stjórnuðu umræðum meðan æfingin stóð yfir. Aðeins örfáum mánuðum áður en Covid-19 braust út hafði sama fólkið svipaða æfingu þann 18. október 2019 undir nafninu „Event 201.“
Þá æfðu miðstöð John Hopkins fyrir heilsufarsöryggi , Heilbrigðisskóli Bloomberg, World Economic Forum og stofnun Bill and Melinda Gates alþjóðlegan veirufaraldur, þar sem kórónuveira hafði smitast frá leðurblöku til svína og manna, sem varð eins og skissa fyrir það sem gerðist í kjölfarið með kórónufaraldurinn. Einnig var æft í samræmdum alþjóðlegum viðbrögðum við kórónufaraldrinum.
Stjórnendur lyfjafyrirtækjanna Johnson & Johnson og Merck sem og framkvæmdastjóri alþjóða sjóða Bill Gates og forseti UPS stofnunarinnar voru viðstödd æfinguna, sem haldinn var aðeins nokkrum mánuðum áður en covid komst í heimsfréttirnar.
Hér að neðan má sjá myndbönd frá báðum æfingunum, það fyrra sýnir nýjustu æfinguna fyrir barnaveirufaraldurinn og það síðara æfinguna fyrir kórónufaraldurinn.
