Framangreind fjárframlög að fjárhæð 317,6 m.kr. fara til almannavarnardeildar Ríkislögreglustjóra, Vegagerðar ríkisins, Landgræðslu ríkisins, Veðurstofu Íslands, Landhelgisgæslu Íslands, Lögreglustjórans á Suðurlandi og Slysavarnarfélagsins Landsbjargar. Þar af er kostnaður mestur hjá Vegagerðinni vegna tjóna á mannvirkjum þeirra eða 145 m.kr. og er áætlaður kostnaður Landgræðslunnar vegna brýnna viðgerða á varnarmannvirkjum á svæðinu 140 m.kr. Þá nemur kostnaður Landhelgisgæslunnar 14,1 m.kr. en önnur fjárframlög eru lægri.
Þá ríkisstjórnin einnig ákveðið að fela umhverfis- og auðlindaráðuneytinu, í samráði við fjármála- og efnahagsráðuneytið, að gera ítarlegt mat á þörf og kostnaði vegna frekari viðgerða á varnarmannvirkjum Landgræðslunnar á svæðinu þannig koma megi þeim í viðunandi horf til lengri tíma litið. Gert er ráð fyrir að miðað verði við að umhverfis- og auðlindaráðuneytið, í samvinnu við Landgræðsluna, leggi fram tillögu um fjármögnun og tímaáætlun þess þáttar til fjármála- og efnahagsráðherra við gerð næstu fjármálaáætlunar. Í tilkynningu segir að ljóst sé að fjárþörf er umtalsverð þessu til viðbótar til brýnna viðhaldsframkvæmda á varnargörðum Landgræðslunnar á næstu árum og misserum.