Margt bendir til þess að heilbrigðisyfirvöld ætli sér að hefja bólusetningar á börnum 5 -12 ára, gegn Covid 19 með líftæknilyfjum án þess að sýna fram á sannaðar vísindarannsóknir á skaðleysi innihalds þeirra lyfja. Þetta var meðal þess sem fram kom í síðdegisútvarpinu í dag en þar fjallaði Arnþrúður um bólusetningar og rifjaði einnig upp upphaf bólusetningaherferðar og hvernig því var haldið fram að bóluefnin myndu duga gegn covid í 90 – 97% tilvika. Þessu var einnig haldið fram ítrekað í ríkisfjölmiðlinum RÚV. Mannréttindum skal ekki fórna fyrir hagsumi vísinda og samfélags segir í lögum.
Í þættinum rifjaði Arnþrúður upp hvernig því var haldið fram og því lofað að efnin sem notuð væru myndu virka það vel, að fólk yrði laust allra mála ef það færi í bólusetningu og fengi seinni sprautuna. Síðan kom í ljós að bóluefnin virkuðu ekki eins og haldið var fram. Þessa dagana er verið að fá fólk til að þiggja 3ja sprautuskammtinn en Arnþrúður segir að það sé samkvæmt áætlun sem komi fram í samningi lyfjafyrirtækjanna við ESB sem samningur Islands byggi á. Sprauturnar eigi eftir að verða fleiri því hér sé um rannsóknartilraun að ræða sem verði ekki lokið fyrr en á árin 2023 -2024. Alþingi hafi ekki fengið að sjá þá samninga sem gerðir hafi verið við lyfjafyrirtækin og hafi skuldbundið íslensk heilbrigðisvöld til þess að breyta lögum til þess að uppfylla kröfur lyfjafyrirtækjanna.
Barnabólusetningarnar:
Nú er í undirbúningi að hefja bólusetningu á 5-12 ára börnum og að sú bólusetning fari ekki fram í Laugardalshöll eins og verið hefur, heldur eigi að fara aðrar leiðir eins og fram kom í Kastljósi í gær þar sem barnabólusetningarnar voru til umræðu. Arnþrúður benti á að barnasprauturnar fari væntanlega fram í gegnum skólahjúkrunarkerfið og nú sé því haldið fram að bóluefnin veiti börnum 90% vörn gegn Covid 19, eins og sagt var um síðustu áramót þegar fullorðnir áttu hlut að máli. Engar sannanir eru sýndar opinberlega um skaðleysi efnanna og sagðist Arnþrúður sakna þess að RUV kæmi ekki fram með slíkar sannanir og gengdi þar með lögbundnu hlutverki sínu.
Barnabólusetningar fela í sér áhættu sem metin er sem (High risk) af hálfu bóluefnaframleiðendanna sjálfra og kemur fram í áhættustýringu sem fylgir bóluefnasamningunum við lyfjarisanna sem leynd hvílir yfir.
Arnþrúður fór yfir í þættinum þau lög sem gilda yfir vísindarannsóknir á heilbrigðissviði nr. 44/2014 en í þeim segir meðal annars að sá sem tekur þátt í þeim rannsóknum skal vera upplýstur um slíka rannsókn og líka ef um klíniska rannsókn sé að ræða og að viðkomandi geti hætt þátttöku hvenær sem er.
Þá vakti Arnþrúður sérstaka athygli á 4. gr. umræddra laga en þar segir: “ Visindarannsóknir á heilbrigðissviði skulu byggjast á virðingu fyrir mannhelgi þátttakenda. Mannréttindum skal ekki fórna fyrir hagsmuni visinda og samfélags. “
Hlusta má á þáttinn í spilaranum hér að neðan