Framkvæmdastjórn Evrópusambandsins hefur skorið niður milljóna evra fjárveitingar til hugveita sem styðja evrópskan samruna. Niðurskurðurinn kemur í kjölfar gagnrýni frá íhaldssömum samtökum sem hafa sagt opinbera fjármuni hafa runnið til hópa sem styðja frekari samþættingu Evrópu. Fjallað er um málið á vef Politico.
Fjárveitingarnar einhliða
Gagnrýnin beindist að því að fjármögnun hefði verið einhliða og styddi, fyrst og fremst, stefnu sambandsins sjálfs. Í kjölfarið hefur orðið erfiðara að réttlæta áframhaldandi stuðning við slík verkefni.
Hugveitur draga saman seglin
Tekjutap vegna niðurskurðarins nemur um 7,8 milljónum evra. Sumir aðilar hafa þegar dregið úr starfsemi eða fækkað starfsfólki. Fjárveitingarnar komu meðal annars úr CERV-áætluninni sem hefur stutt rannsóknir og umræðu um Evrópumál.
Gagnrýnar raddir styrkjast í Brussel
Á sama tíma hafa evróskeptískar hugveitur aukið umsvif og sýnileika í Brussel, meðal annars með fjármögnun utan frá. Þessi þróun hefur breytt jafnvæginu í umræðu um stefnu Evrópusambandsins.
Ágreiningur um hlutverk opinbers fjár
Framkvæmdastjórnin segir úthlutun byggjast á samkeppni og fyrirfram skilgreindum viðmiðum. Umræðan um fjármögnun hugveita er þó orðin skýrlega pólitísk og tengist víðari deilum um stefnu og gildi innan sambandsins.