Það verður að koma í veg fyrir, að Alþjóðaheilbrigðismálastofnunin, WHO, nái yfirráðum yfir „faröldrum í framtíðinni“ með alþjóða heimsfaraldurssáttmálanum. Hann mun jarða lýðræðið, fullyrðir þýska ESB-þingkonan Christine Anderson í nýju viðtali.
Glóbalistastofnunin WHO er að reyna að knýja fram „faraldurssáttmála“ með það yfirlýsta markmið að takast á við „faraldra framtíðarinnar.“ Fullyrðir stofnunin að sáttmálinn sé „sögulegt lagalegt verkfæri, grundvallað á stofnlögum Alþjóðaheilbrigðisstofnunarinnar, sem er hannað til að vernda heiminn gegn heimsfaröldrum í framtíðinni.“ WHO segir að „fullveldi landa verði virt og að málið snúist bara um að gera heiminn öruggari.“ En þýska ESB-þingkonan Christine Andersson er mjög gagnrýnin. Hún heldur því fram í viðtali við Vox Libertatis (sjá myndband neðar á síðunni), að heimsfaraldurssáttmálinn muni jarða lýðræðið.
Ef sáttmálinn verður samþykktur er gjörsamlega búið að jarða lýðræðið
Í reynd verða það milljarðamæringar sem ná yfirráðum yfir heilbrigðisstjórnun þjóða, útskýrir hún. Vegna þess að fólk eins og Bill Gates fjármagnar WHO. Hann er annar stærsti fjárveitingaraðili stofnunarinnar. Einungis Þýskaland, þ.e.a.s. heilt land, veitir meira fjármagn til WHO. Christine Andersson segir:
„Ef við gefum ókjörinni stofnun framkvæmdavald, þá verður ekki lengur til lýðræði eða kjörnir embættismenn sem hægt er að draga til ábyrgðar. Hverja munu meðborgarar geta krafist til ábyrgðar ef réttindin verða tekin af þeim? Fræðilega séð eiga kjörnir embættismenn á hættu að verða ekki endurkjörnir ef þeir segja af sér. En þegar kemur að stofnunum þar sem enginn er kosinn, eiga borgararnir enga úrræði. Þannig virkar ekki lýðræðið, að stjórn fólksins er tekin af fólkinu. Þetta er það sem er í húfi með þessum sáttmála. Fólk verður að skilja, að ef þessi sáttmáli gengur í gegn, er gjörsamlega búið að jarða lýðræðið. Lýðræðið er farið. Alþjóðaheilbrigðismálastofnunin mun hafa rétt á að lýsa yfir heimsfaraldri og þegar hún gerir það tekur hún framkvæmdavaldið frá aðildarríkjum. Þannig að það eru ekki ríkisstjórnir, til dæmis þýska ríkisstjórnin, sem mun setja hömlur.“
Ekki hægt að hóta því að kjósa þá ekki aftur
„Hvernig getur fólk sótt WHO til ábyrgðar? Það verður ekki hægt að fara með stofnunina fyrir dómstóla, það þýðir lítið að hóta því að kjósa þá ekki aftur. Þeim er nákvæmlega sama. WHO er fjármagnað af þeim ríkustu af þeim ofurríku í heiminum. Þeim er nákvæmlega sama. Þeir eiga allir peninga og er sama um grundvallar mannréttindi eða lýðræði. Ef þeir skipa fólki að vera innandyra eins lengi og þeir segja, þá verður fólk að gera það.“
Í guðanna bænum – slökkvið á sjónvarpinu!
Christine Anderson hefur einnig önnur skilaboð til fólks á Vesturlöndum:
„Í guðanna bænum, slökkvið á sjónvarpinu! Í alvöru. Ég slökkti á mínu tæki fyrir löngu síðan og það var mjög gagnlegt fyrir heilsu mína.“
Horfðu á viðtalið:
