Farið verður í fyrirhugaðar framkvæmdir NATO á Suðurnesjum alveg óháð því hvað Vinstri grænum finnist um þær. Þetta var meðal þess sem fram kom í máli Jóns Gunnarssonar þingmanns Sjálfstæðisflokksins og fyrrverandi samgönguráðherra í síðdegisútvarpinu í gær en hann var gestur Péturs Gunnlaugssonar.
Hann segir það vera á hreinu að það verði af fyrirhuguðum framkvæmdum:
“ svo geta Vinstri grænir alveg haft sínar skoðanir á því en það verður farið í þessar framkvæmdir alveg óháð hvað þeir vilja í þeim efnum, staðan er einfaldlega sú að við getum ekki sagt nei við þeim framkvæmdum sem bjóðast, efnahagurinn og það ástand sem er á Suðurnesjum hreinlega leyfir það ekki svo það verður farið í þessar framkvæmdir, annað væri afar óábyrgt, Vinstri grænum má finnast eitt og annað um það„,segir Jón.
Hlusta má á þáttinn í spilaranum hér að neðan